महेश सिंह सिरहा लहान २९ बैशाख – महिला पुनर्स्थापना केन्द्र लहानले आयोजना गरेको एक दिने अन्तरक्रिया कार्यक्रममा लहानमा सेफहाउस बनाउनु पर्ने ओरेक नेपाल लहानको प्रमुख अनिता चौधरीको जोड रहेका छन्।हिंसा प्रभावित ब्यक्तीहरुको लागी मनोविमर्शको आवश्यकता र पुनर्स्थापनामा स्थानिय तहको भुमिका विषयक अन्तरक्रिया कार्यक्रम लाहानमा सम्पन्न भएको छ।
कार्यक्रममा लहान नगरपालिकाका उप-प्रमुख राम चलितर महतोका अनुसार वडा अध्यक्ष लाई यस आर्थिक वर्षमा निमार्णको कार्यमा मात्र बजेट नछुट्याएर मनोविमर्श तथा सुरक्षा बासको लागि थोरै भए पनि वजेट छुट्याएर कार्ययोजना ल्याउनु पर्ने र हामीले लहानमा सेफहाउस संचालन गरेर सहज तरिकाले संचालन गर्न सक्ने बताउनु भयो।
कार्यक्रममा प्रमुख प्रशासकिय अधिकृत सुभद्रा गौतमले स्थानिय तहले गर्नु पर्ने काम गैर सरकारी संस्थाहरुले गरिरहेको र त्यसमा स्थानिय तहले सहयोग गर्नु पर्ने जोड दिनुभयो । उहाँले थप्दै हिंसामा परे पछि महिलाहरुलाई मनोविर्मश गर्नुका साथै सबै भन्दा आवश्यकता भनेको उनीहरुको लागि बस्ने सुरक्षित आवासको आवश्यकता छ जुन लहानमा छैन् त्यसका लागि लहान नगरपालिकाले पहल गर्नु पर्ने बताउनु भयो।
वडा नं. २४ को वडा अध्यक्ष रासलाल यादवले यो वर्ष प्रत्येक वडामा महिलाको शिर्षक हामी सबै वडा अध्यक्षहरुले छुट्याउनु पर्ने र २४ नं. वडामा यसपाली छुट्याउने प्रतिवद्धता समेत जनाउनु भयो।कार्यक्रम ओरेकको जिल्ला परामर्श तथा व्यवस्थापन समितिको संयोजक रिता महतोको अध्यक्षतामा भएको थियो भने प्रमुख अतिथि नगर उपप्रमुख राम चलितर महतो रहनु भएको थियो।
कार्यक्रममा वडा नं.१, ३,४,५,८,११,१३,१४,१५,१७,१८ र २४ को वडा अध्यक्ष तथा प्रतिनिधिहरु,महिला मानव अधिकारकर्मी,मानव अधिकारकर्मी,सरोकारवालाहरुको उल्लेखनीय उपस्थिति रहेको संचारकर्मीको उपस्थिति रहेको थियो।
