सिरहा,१२ पुस_गोलबजारबाट अबैध लागुऔषध ब्राउन सुगर सहित चार जना पक्राउ परेका छन। सिरहा गोलबजार नपा वडा नं-६ डोहटिया स्थित भित्री सडक खण्डमा अबैध ला•औ. ब्राउन सुगर लुकाई छिपाई बिक्रीबितरण गरिरहेको गोप्य सुचना पाएको आधारमा ला.औ.ब्युरो टोली र इलाका प्रहरी कार्यालय गोलबजारका प्र.नि. राजु के.सी. को कमाण्डमा खटिएको संयुक्त टोलीले बिक्रीवितरण गर्ने क्रममा ३•१८० मिलिग्रा ब्राउन सुगर सहित चार जना लाइ पक्राउ गरेको इलाका प्रहरी कार्यालय गोलबजारका प्र•नि -राजु केसीले जानकारी दिए।
गोलबजार नगरपालिका वडान-६ दोहटिया बस्ने धनिकलाल महराको छोरा बर्ष-३० को दिप कुमार महरा ,रामपुकार महतोको छोरा बर्ष-२५ को पंकज कुमार महतो ,राजेन्द्र महराको छोरा बर्ष -२० को शिरिल महरा ,साथै सहि स्थानका बिन्देश्वर मोचीका छोरा बर्ष -२५ को संजय मोची पक्राउ परेको इलाका प्रहरी कार्यालय गोलबजारका प्र•नि केसीले बताए।
यस घटनाबारे थपअनुसन्धान भइरहेको इलाका प्रहरी कार्यालय गोलबजारका प्र•नि केसीले बताए। गोलबजारमा ७०% प्रतिशत अबैध लागुऔषध ओसारपोसार र बिक्रिबितरण गर्ने कारोबारिहरु लाइ नियन्त्रणमा लिसकेको केसीको दाबि रहेको छ।
