‘जुम्लामा पहिलेजस्तै हिंसा र आतंक नहोस् भनेर काठमाडौं जाने निर्णय’
काठमाडौँ : स्वास्थ्य र मेडिकल शिक्षामा सुधारका लागि जुम्लामा १९ औं सत्याग्रह बसेका डाक्टर गाेविन्द केसीले सत्याग्रहलाई काठमाडौँबाटै जारी गर्ने भएका छन् ।
कर्णाली स्वास्थ्य विज्ञान प्रतिष्ठान शिक्षण अस्पतालको आईसीयू कक्षमा अनशनरत डा. गोविन्द केसी ।
दुई वर्ष अगाडि सत्याग्रहमा रहेकै बेला कर्णाली स्वास्थ्य विज्ञान प्रतिष्ठानको अस्पतालमा राज्यले आतंक फैलाउँदै तोडफोड गरेकाे र अहिले पनि केन्द्रदेखि प्रदेश सरकारसम्म पहिलेकैजस्तै पात्रहरु पदमा रहेकाे भन्दै हिंसा र आक्रमण नहोस् भनेर सत्याग्रह बस्ने ठाउँ सार्न लागेकाे केसीले जारी गरेको प्रेस विज्ञप्तिमा जनाइएको छ ।
‘जुम्लादेखि काठमाडौंसम्म यात्रा गरेर उहींबाट सत्याग्रह जारी राख्ने निर्णय गरेका छौं । यसबीच जुम्लामा रहेर हाम्रो सत्याग्रहमा साथ दिने, सहयोग गर्ने तथा शुभेच्छा गर्ने सबैलाई धन्यवाद,’ साेमबार जारी विज्ञप्तिमा केसीले भनेका छन्, ‘साथै हामीले राखेका सबै मागहरु पूरा गराएर मात्रै यो सत्याग्रह टुंगिने जानकारी पनि गराउन चाहन्छौं ।’
१९ औं सत्याग्रहको आठौं दिनसम्म आफ्ना माग पूरा गर्न सरकारले कुनै प्रयास र पहल नगरेको बरु सत्याग्रह स्थलबाट रातारात अपहरण शैलीमा जबर्जस्ती अस्पतालमा सारिएको पनि उनले बताएका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
