काठमाडौं । आफ्नाे गढ मधेसमै अप्रत्यासित हारसहित कमजाेर बनेकाे जसपा फुट्ने देखिएकाे छ । सप्तरी २ बाट पराजित अध्यक्ष उपेन्द्र यादवले एमालेसँगकाे गठबन्धन छाडेर नयाँ ढंगबाट अघि बढ्ने बताइरहेका बेला चुनावकाे जितेकाे पक्ष एमालेसँगै अघि बढ्ने निष्कर्षमा छ ।
सुनसरीमा एमालेकाे सहयाेगमा संघीय परिषद् अध्यक्ष अशाेक राई जित्दा सप्तरी २ मा भने उपेन्द्रले एमालेकाे सहयाेग पाएनन् । एमालेसँग नराम्ररी पराजित भए । आफू पराजित भएपछि एमाले गठबन्धन छाड्ने मनस्थितिमा उपेन्द्र पुगे । उनी सार्वजनिक रूपमै एमालेसँगकाे गठबन्धन चुनावी तालमेलसम्मलाई हाे भनेर बाेले ।
यता एमालेकाे सहयाेगमा जितेका अशाेक राईले काउन्टर दिए । उनले जसपा एमालेसँगै सहकार्य गरेर अघि बढ्ने बताए । अझ त्याेभन्दा अघि बढेर उपेन्द्रकाे अभिव्यक्ति व्यक्तिगत भएकाे भनेर काउन्टर दिए । जबकी जसपामा उपेन्द्रकाे अभिव्यक्ति नै पार्टीकाे लाइन हुन्छ ।
यसबाट एमालेसँगकाे सहकार्यकाे विषयमा पार्टी विचारमा विभाजित भएकाे र याे पार्टीको ओपचारिक विभाजनसम्मै पुग्ने देखिएकाे छ । नेताहरू यसमा चिन्तित बनेका छन् ।
पार्टीमा पनि चुनाव जितेका अशाेक राई हावी हुन थालेका छन । चुनाव हारेक उपेन्द्रकाे पक्षमा पार्टी भित्र पकड गुम्दै गएकाे बताइन्छ । अधिकांश नेता कार्यकर्ता हारकाे जिम्मेवारी लिएर उपेन्द्रले राजीनामा दिनुपर्ने र नेतृत्व हस्तान्तरणकाे माग गरेका छन् ।
