काठमाडौं । बलिउड अभिनेत्री सोमी अलीले सलमान खानमाथि गम्भीर आरोप लगाएकी छन् । सोमी अली कुनै समय सलमान खानकी प्रेमिका थिइन् । अभिनेत्रीले आफ्नो सामाजिक सञ्जाल एकाउन्टमा नाम नलिई सलमान खानसँगको पुरानो तस्बिर सेयर गर्दै शारीरिक शोषण गरेको आरोप लगाएकी छिन् ।
सोमीले हालै आफ्नो र सलमानसँगको पुरानो तस्बिर सेयर गर्दै लेखेकी छिन्, ‘अझ धेरै हुनेछ। मेरो शो भारतमा प्रतिबन्ध लगाइयो र त्यसपछि मलाई वकिलको धम्की दियो। तिमी कायर हौँ। यदि तिमीले मलाई वकिलहरूको धम्की दिन्छौ भने म ५० वकिललाई खडा गर्नेछु । उनीहरू सबैले मलाई सिगरेटले जलाउने र शारीरिक यातनाबाट बचाउनेछन् जुन तिमिले मलाई बर्षौसम्म गरेका थियौ।’
सोमीले सलमानले बलिउडमा गरेको दुर्व्यवहारको ऐश्वर्या राय बच्चनले जसरी अरू महिलाहरूले पनि पर्दाफास गर्ने समेत बताएकी छन् । सलमानको सम्बन्ध टुटेपछि उनी अमेरिकामा छिन् । उनी भारत आएर केही समय सलमानसँग सम्बन्धमा पनि थिइन् ।
