चुनाव जित्ने पार्टी अध्यक्षहरुमा उपेन्द्र मात्रै टपटेनभन्दा बाहिर
‘संसदमा पहिलो, दोस्रो र तेस्रो दलको छिनोफानो भइसकेपनि चौथौ दलका लागि समानुपातिकतर्फको मत मुख्य निर्णायक बन्ने देखिएको छ’
काठमाडौं । मंसिर ४ मा भएको प्रदेश र प्रतिनिधिसभा निर्वाचन अन्तर्गत अधिकांश स्थानको अन्तिम मतपरिणाम सार्वजनिक भइसकेको छ । कतिपय निर्वाचन क्षेत्रमा विवाद आएका कारण मतगणना रोकिएको छ भने कतिपय क्षेत्रमा पुनः मतदान गराउन तयारी भइरहेको छ । मतगणना हुननसकेका क्षेत्रमा सबैतिर नेकपा एमालेले बखेडा निकालेको छ ।
मंसिर ४ को निर्वाचन निकै ठूलो धाक देखाउँदै आएका नेकपा एमाले अध्यक्ष केपी ओली अहिले चुनावमा हार ब्यहोर्नु परेपछि विवादीत क्षेत्रमा पुनः मतदान हुनेपर्ने भन्दै निर्वाचन आयोगलाई दवाव दिइरहेका छन् । अब निर्वाचनको अन्तिम परिणाम नौ क्षेत्रको मात्रै बाँकी छ । अहिलेसम्म आएको परिणामले मोटामोटी खाका तयार भइसकेको छ भने यस पटकको निर्वाचनबाट २७ वर्षीय युवादेखि ८० वर्षीय ज्येष्ठ नागरिकसम्म निर्वाचित भएर आएका छन् ।
आम निर्वाचन २०७९ मा भाग लिने राजनीतिक दलहरु धेरै भएपनि अस्तित्वमा भने थोरै दलहरुमात्र आएका छन् । निर्वाचन जितेर अस्तित्वमा आएका दलका सबै अध्यक्षहरु निर्वाचित हुँदा जनता समाजवादी पार्टी (जसपा) का अध्यक्ष उपेन्द्र यादव मात्रै पराजित भएका छन् । संसदमा रहेका बाहेक दुइ पार्टी पनि आएका छन् । यसपटक प्रायः सबैजसो पार्टीका अध्यक्षहरू समेत उम्मेदवार रहेका थिए । जसमध्ये एक दर्जन हाराहारीका पार्टी मात्रै संसदमा पुग्दैछन् ।
निर्वाचनपछि संसदको सबैभन्दा ठूलो दल बन्दैछ नेपाली कांग्रेस । नेपाली कांग्रेसका सभापति शेरबहादुर देउवा यसपटक पनि डडेलधुराबाट उम्मेदवार थिए । प्रधानमन्त्रीसमेत रहेका सभापति देउवाले चुनाव जितेका छन् । सभापति देउवा २५ हजार ५३४ मतसहित डडेल्धुराबाट सातौंपटक निर्वाचन भएका हुन् । उनका निकटतम प्रतिद्वन्द्वी स्वतन्त्र उम्मेदवार सागर ढकालले १३ हजार ४१ मत ल्याएका थिए ।
संसदको दोस्रो ठूलो दल नेकपा एमालेका अध्यक्ष केपी शर्मा ओली झापा क्षेत्र नम्बर ५ बाट प्रतिनिधिसभा सदस्य पदमा उम्मेदवार थिए । अध्यक्ष ओलीले यसपटक पनि झापा ५ बाट प्रतिनिधि सभा सदस्य निर्वाचित भएका छन् । अध्यक्ष ओलीले ५२ हजार ३१९ मत ल्याएका थिए । उनका प्रतिद्वन्द्वी नेपाली कांग्रेसका खगेन्द्र अधिकारीले २३ हजार ७४३ मत पाए ।
पहिलेपनि तेस्रो र अहिले पनि तेस्रो दलकै रुपमा आएको नेकपा माओवादी केन्द्रका अध्यक्ष पुष्पकमल दाहाल प्रचण्डले गोरखा क्षेत्र नम्बर २ बाट चुनाव जितेका छन् । अध्यक्ष प्रचण्डले २६ हजार १०३ मत प्राप्त गरेका छन् । उनका निकटम् प्रतिस्पर्धी राष्ट्रिय स्वतन्त्र पार्टीका उम्मेदवार कविन्द्र बुर्लाकोटीले १२ हजार ६३७ मत प्राप्त गरेका छन् । उनी अहिले अगामी सरकार गठनका लागि भेटघातिर व्यस्त छन् ।
प्रत्यक्षतर्फको हिसाव हेर्दा चौथो दल बन्न सक्ने देखिएको नेकपा एकीकृत समाजवादीका अध्यक्ष माधवकुमार नेपाल पनि विजयी भएका छन् । रौतहट क्षेत्र नम्बर १ बाट उम्मेदवारी दिएका अध्यक्ष नेपाल ३३ हजार ५२२ मतसहित प्रतिनिधि सभा सदस्य निर्वाचित भएका हुन् । उनका निकटतम प्रतिद्वन्द्वी नेकपा एमालेका अजयकुमार गुप्ताले २६ हजार ९२२ मत ल्याएका छन् ।
प्रत्यक्षतर्फको हिसाव हेर्दा चौथो दल बन्न सक्ने देखिएको नेकपा एकीकृत समाजवादीका अध्यक्ष माधवकुमार नेपाल पनि विजयी भएका छन् । रौतहट क्षेत्र नम्बर १ बाट उम्मेदवारी दिएका अध्यक्ष नेपाल ३३ हजार ५२२ मतसहित प्रतिनिधि सभा सदस्य निर्वाचित भएका हुन् । उनका निकटतम प्रतिद्वन्द्वी नेकपा एमालेका अजयकुमार गुप्ताले २६ हजार ९२२ मत ल्याएका छन् ।
राष्ट्रिय जनमोर्चाका अध्यक्ष चित्रबहादुर केसी पनि प्रतिनिधिसभा सदस्य पदमा निर्वाचित भएका छन् । अध्यक्ष केसी बागलुङ क्षेत्र नम्बर १ बाट निर्वाचित भएका छन् । केसीले २१ हजार ४५१ मत ल्याएका छन् । उनका निकटतम प्रतिद्वन्द्वी नेकपा एमालेका सूर्यप्रसाद पाठकले १८ हजार ८२५ मत ल्याएका थिए । उनीसँग एक मात्र सीट कायम छ ।
चितवन क्षेत्र नम्बर २ बाट उम्मेदवार रहेका राष्ट्रिय स्वतन्त्र पार्टीका अध्यक्ष रवि लामिछानेले चुनाव जितेका छन् । नेपाली कांग्रेसका उम्मेदवार उमेश श्रेष्ठलाई हराउँदै लामिछाने निर्वाचित बनेका हुन् । अध्यक्ष लामिछानेले लामिछानेले ४९ हजार २६१ मत प्राप्त गरेका छन् । भने कांग्रेसका उमेश श्रेष्ठको १५ हजार ९९ मत आएको छ । लामिछाने ३४ हजार १ सय ७० मतान्तर कायम गर्दै विजयी भएका हुन् ।
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले पनि चुनाव जितेका छन् । नेपाली कांग्रेसका उम्मेदवार कृष्णप्रसाद सिटौलालाई हराउँदै ४० हजार ६ सय ४८ मतसहित अध्यक्ष लिङ्देन विजयी बनेका हुन् । सिटौला यसपटक ३७ हजार ३ सय ७२ मतसहित दोस्रो बने ।
लोकतान्त्रिक समाजवादी पार्टी (लोसपा)का अध्यक्ष महन्थ ठाकुर महोत्तरी क्षेत्र नम्बर ३ बाट निर्वाचित भएका छन् । अध्यक्ष ठाकुरले १६ हजार ३७५ मत पाएका छन् । उनका निकटतम प्रतिद्वन्द्वी जनता समाजवादी पार्टी (जसपा) नेपालका हरिनारायण यादवले १४ हजार ३२५ मत ल्याएका थिए ।
सप्तरी क्षेत्र नम्बर २ बाट उम्मेदवार रहेका जनतम पार्टीका अध्यक्ष चन्द्रकान्त (सिके) राउतले पनि चुनाव जितेका छन् । उनले जनता समाजवादी पार्टी (जसपा)का अध्यक्ष उपेन्द्र यादवलाई पराजित गर्दै अध्यक्ष राउत निर्वाचित भएका हुन् । राउतले ३५ हजार ४२ मत प्राप्त गरेका छन् । पराजित उपेन्द्र यादवले १६ हजार ९७९ मत ल्याए ।
नागरिक उन्मुक्ति पार्टीका रन्जिता श्रेष्ठ चौधरी पनि प्रतिनिधि सभा सदस्य निर्वाचित भएकी छन् । नागरिक उन्मुक्ति पार्टीको तर्फबाट कैलाली क्षेत्र नम्बर १ बाट उम्मेदवार रहेकी चौधरीले नेपाली कांग्रेसका रामजनम चौधरीलाई पराजित गर्दै विजयी बनेकी हुन् । श्रेष्ठले ३० हजार ४ सय ४ मत प्राप्त गरेकी छन् । भने, उनका निकटतम प्रतिद्वन्द्वी चौधरीले १८ हजार ८९ मत प्राप्त गरे ।
पार्टीले ६ सीट जितेपनि अध्यक्ष उपेन्द्र यादव भने पराजित भएका छन् । उनलेको दलले प्रत्यक्षमा प्रतिनिधिसभातर्फ ६ सीट जितेको छ । रबि लामिछाने नेतृत्वको पार्टीले प्रत्यक्षमा ७ सीट जितेको छ । उसले समानुपातिकतर्फ तेस्रो स्थान ल्याउने देखिएकाले चौथो ठूलो दल कुन बन्छ भन्न अहिले नै सकिने अवस्था छैन् । यसका लागि समानुपातिकतर्फको गणना सकिनुपर्छ ।नेपालबहस
