काठमाडौं । प्रतिनिधि सभा तथा प्रदेश सभा निर्वाचनअन्तर्गत आइतबार भएको मतदानको उत्तरी छिमेकी चीनले रेकी गरेको खुलेको छ ।
खासगरी तिब्बती मूलका नेपाली नागरिकलाई लक्षित गरेर चीनले अवैधानिक रुपमा नेपाली सुरक्षा रणनीतिलाई चुनौती दिँदै निगरानी गरेके हो । स्थानीय सुरक्षाकर्मीकाअनुसार चिनियाँ दूतावासको गाडी आज बिहान बौद्धस्थित एक मतदान केन्द्र (पुलबारी स्कुल) पुगेको थियो ।
एक चिनियाँ अधिकारी र १ नेपाली कर्मचारी मतदान केन्द्रमा प्रवेश गरेका थिए । नेपाली नागरिकता बोकेका अधिकांश तिब्बती तथा बौद्ध समुदायले यस मतदान केन्द्रमा मतदान गर्ने भएकाले पुलबारी विद्यालयको मतदान केन्द्र एउटा महत्वपूर्ण बुथ हो । उनीहरुले यहाँ रेकी गरेका थिए । जसमा नेपाली सुरक्षाकर्मीले असन्तुष्टि जनाएका थिए ।