राजविराज । सप्तरी–२ मा लोकतान्त्रिक–बाम गठबन्धनका प्रतिनिधिसभा सदस्यका उमेदवार जयप्रकाश ठाकुरले यहाँका जनतासामु गरेको प्रतिवद्धता पूरा गरेरै छाड्ने बताएका छन् ।
सप्तरी निर्वाचन क्षेत्र नम्वर २ का जनतासामु लोकतान्त्रिक–बाम गठबन्धनलका उम्मेदवार ठाकुरले घरदैलो र चुनावी सभामा उनले आफू निष्ठा र इमान्दारीको राजनीति गर्ने व्यक्ति भएकाले अरु जस्तो झुट्टा अश्वासन बाँडनुभन्दा आफूले गर्न सक्ने काम मात्र जनतासामु राख्ने गरेको र त्यो पूरा गरेरै छाड्ने प्रतिबद्धता व्यक्त गरे ।
केही व्यक्तिले झुट्टा अश्वासन बाँड्दै हिँडेको भन्दै उनले सही र अश्वासन पूरा गर्ने उम्मेदवारलाई मतदान गर्न मतदातासमक्ष आग्रह गरे । सप्तरीको दिगो विकास, समृद्धि, शिक्षा, कृषि, भौतिक निर्माण, रोजगारी सडक लगायतको क्षेत्रमा सुधारका लागि लोकतान्त्रिक–बाम गठबन्धनका उमेदवारलाई विजयी गराउन उम्मेदवार ठाकुरले मतदाताहरुलाई आग्रह गरे ।