राजविराज । सप्तरीको डाक्नेश्वरी नगरपालिका वडा नम्वर २ स्थित जनता मावि हरिरवा मतदान केन्द्रमा स्थगित भएको निर्वाचन जेष्ठ २ गते आइतबार हुने भएको छ ।
सो मतदान केन्द्रमा मतदानको लागि कर्मचारी र सुरक्षाकर्मी परिचालन भई सकेको जिल्ला निर्वाचन कार्यालय सप्तरीका प्रमुख रमेश कुमार जोशीले जानकारी दिनुभयो ।
यस्तै सप्तरीको रुपनी गाउँपालिकामा स्थगित भएको निर्वाचन जेठ २ गते सोमबार हुने भएको छ । गाउँपालिकाको वडा नम्बर ५ बसबिट्टीस्थित गाविस भवन मतदान केन्द्रमा शुक्रबार झडप भएपछि निर्वाचन स्थगित गरिएको थियो ।
जनता समाजवादी पार्टीका कार्यकर्ताले धाँधली गरेको भन्दै नेपाली कांग्रेसका कार्यकर्ताले विरोध जनाएपछि झडप हुँदा मतदान स्थगित गरिएको थियो । झडपलाई नियन्त्रणमा लिन प्रहरीले ५ राउण्ड हवाई फायर समेत गरेको थियो ।
शनिबार गाउँपालिका कार्यालयमा बसेको सबै दलका उम्मेदवार, प्रतिनिधि, निर्वाचन अधिकृत, प्रमुख जिल्ला अधिकारीसहित सुरक्षा अधिकारीको बैठकले जेठ २ गते बिहान ७ बजेदेखि उक्त ठाउँमा मतदान गर्ने निर्णय गरेको जिल्ला निर्वाचन कार्यालय सप्तरीका प्रमुख जोशीले बताउनुभयो ।