चितवन। नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले भोलिसम्म चुनावी तालमेल टुंगोमा पुग्ने दाबी गरेका छन्। भरतपुर विमानस्थलमा आज बिहान पत्रकारहरुसँग संक्षिप्त कुराकानी गर्दै अध्यक्ष प्रचण्डले समस्या विना नै तालमेलको टुंगो लाग्ने दाबी गरे ।
प्रचण्डले भरतपुर महानगरको नेतृत्व कसले लिने भन्नेबारे विवाद नरहेको पनि जिकिर गरे ।
अध्यक्ष प्रचण्डले भने, चुनावका बेला एउटै पार्टीभित्र विवाद हुन्छ, बहस हुन्छ। गठबन्धनमा पनि छलफल हुनु स्वभाविक हो, लाष्टमा टुंगिन्छ ।’
प्रचण्डले महानगर र उपमहानगरको नेतृत्वबारे आज बेलुकासम्म सिफारिस गर्ने तयारी भएको वताए ।
चुनावी तालमेलबारे स्थानीय तहमा विवाद रहेपनि अन्त्यमा ती सबै विवाद समाधान हुने उनको दाबी छ । प्रचण्डले दिउसो नवलपरासीको दलदलेमा पार्टीको प्रशिक्षण कार्यक्रमलाई सम्बोधन गर्दैछन् ।
