नयाँबानेश्वरमा तनाव : निषेधित क्षेत्र तोडेपछि प्रदर्शनकारीमाथि पानीको फोहरा

काठमाडौं । बानेश्वरमा प्रहरीले प्रदर्शनकारीमाथि पानीको फोहराले हानेको छ ।
आज (आइतबार) १ बजे बस्ने प्रतिनिधि सभाको बैठकमा सरकारले एमसिसी टेबल गर्न लागेको छ । त्यसैको विरोधमा उत्रिएका प्रदर्शनकारी माथि प्रहरीले पानीको फोहराले हानेको हो ।
यस्तै प्रदर्शनकारीहरूले पनि प्रहरीमाथि ढुंगा हानेका छन् ।
आइतबार बिहान बसेको गठबन्धनको बैठकले प्रतिनिधि सभामा एमसिसी टेबल गर्ने निर्णय गरेको थियो । प्रतिनिधि सभाको बैठकमा एमसिसी टेबल भए पनि प्रमुख प्रतिपक्षी दल नेकपा एमालेले संसद अवरूद्ध जारी राख्ने जनाएको छ ।