सिरहा : सिरहाको नरहा गाउँपालिका–४ ललभितियास्थित एक महिला आफ्नै घरमा सलले पासो लगाई झुण्डिएर आत्महत्या गरेकी छन् । नरहा गाउँपालिका–४ ललभितियाका रामभरोस यादवको अन्दाजी २५ बर्षिया बुहारी रेखा कुमारी यादवले झुण्डिएर आत्महत्या गरेकी हुन् । मृतक रेखाको शव पोष्टमाडम पछि दाहसंस्कारको लागि ललभितिया लगिएको जिल्ला प्रहरी कार्यालय सिरहाले जनाएको छ ।
सासु, ससुरा र देवरसँग अलग भई रेखा एकलो बस्दै आएकी थिइन् उनको पति बैदेशिक रोजगारीमा खाडी मुलुक गएको हो । पति बैदेशिक रोजगार गएको र घरमा एकलो बस्न थालेकी रेखाले सामाजिक व्यवहारलाई बेवास्ता गर्दै आफ्नै तवरले मनोपोली गरेको आरोपमा विभिन्न समयमा पटक पटक सामाजिक रुपमा छलफल गरिएको गाउँलेहरुले बताएका छन् ।
पछिल्लो पल्ट गाउँका अरुलाई लगाएर रेखाले आफ्नो खेतको घाँस कटाए । आफ्नै घरमा घाँसको आवश्यकता हुँदा हुँदै अरुलाई लगाएर घाँस नकटाउन ससुराले रेखालाई सम्झाई बुझाई गर्न प्रयास गर्दा समान्य भनाभन भएको श्रोतको भनाई छ । घाँस कटाएको विषयलाई लिएर भएको समान्य भनाभनलाई साम्य पार्न गाउँका केही व्यक्तिहरुको रोहवरमा छलफल गर्न बैसार भएको थियो । छलफल गर्न बैसारमा बसेकाहरुलाई इंकित गर्दै रेखाले आफु मरेर भएपनि गाउँका केही व्यक्तिलाई भसाई छाड्ने चुनौती दिएर बैसार स्थलबाट निस्केको प्रत्यक्षदर्शीहरुको दाबी छ । बैसार सकिएको केही घण्टा नबित्दै रेखाले घरभित्र बसेर चुकुल लगाएको हल्ला चलेपछि प्रहरीलाई खबर गरिएको स्थानीयहरुले बताएका हुन् ।
रेखालाई ललभितियाका केही व्यक्तिले हत्या गरेको भनी माइती पक्षले किटानी जाहेरी दिँदै ललभितियाको घर पुगेर हुलहुज्जत गर्न प्रयास गरेपछि होहल्ला गर्ने केहीलाई प्रहरीले पक्राउ गरेको प्रत्यक्षदर्शीहरुले जनाएका छन् । माइती पक्षको हुलहुज्जत तथा आक्रमक शैलीलाई प्रहरीले नियन्त्रणमा लिएर ठुलो दुर्घटनाबाट जोगाएको गाउँलेहरुले बताएका छन् ।
झुण्डिएर महिलाको मृत्यु भएको जिल्ला प्रहरी कार्यालय सिरहाका डिएसपी विनोद घिमिरेले बताए । उनका अनुसार कानूनी प्रक्रिया पु¥याएर दाहसंस्कारका लागि शव परिवारजनलाई जिम्मा दिइएको छ पोष्टमाडमको विषेश रिर्पोट नआएसम्म घटनाबारे विस्तृत कुरा बताउन सकिदैन् । घटनालाई तोर मडोर गरेर राजनीतिक इगो साध्नका लागि गाउँका केही पार्टीका नेतृत्व पंक्तिका व्यक्तिले विपक्षी पार्टीका व्यक्तिलाई फसाउन प्रयास समेत गरेको स्थानीयहरुले दाबी गरेका हुन् ।
