शुभ नारायण यादव
सप्तरी । सप्तरीको छिन्नमस्ता गाउँपालिका वडा नम्बर ६ खुदिबखारी टाेलमा एक बृद्धकाे घाँटी रेटेर हत्या गरेकाे छ ।
अंदाजी ८० वर्षीय मिश्रिलाल मण्डललाई घाँटी रेटेर हत्या गरेकाे इलाका प्रहरी कार्यालय सखडाले जनाएको छ ।
सप्तरीको छिन्नमस्ता गाउँपालिका स्थित सडक खण्डको झाैखराही नामक फुलबारीमा बृद्ध मण्डलकाे घाँटी रेटि हत्या गरिएको अवस्थामा शव फेला परेकाे प्रहरीले जनाएको छ ।
मण्डल आज बिहान घरमा खाना खाएर करिब १० बजे काम विशेषले सखडा तिर निस्केको स्थानीयबासिहरुले बताएका छन । साेहि क्रममा मण्डलकाे कसैले ब्यक्तिगत रिसिभिका कारण हत्या गरेकाे हुन सकिने परिवारजनकाे आराेप रहेकाे छ ।
यसैबिच मृतकका परिवारजनले साे घटनाकाे वास्तविक छानविन गरि दाेषिमाथि आवश्यक कार्वाही गर्नुपर्ने जाेडदार माग गरेका छन ।
यता साे घटनाको सम्बन्धमा आवश्यक थप अनुसन्धान कार्य भइरहेको जिल्ला प्रहरी कार्यालय सप्तरीका डिएसपी एव प्रबक्ता माधव प्रसाद काफ्लेले जानकारी दिए । मृतक बृद्धकाे शव हाल पाेष्टमाटमसका लागि राजविराज स्थित गजेन्द्रनारायण सिंह अस्पतालमा राखिएको छ ।
