सिरहा । आज कार्तिक पूर्णिमा । सिरहाको कमला नदिको विभिन्न घाटमा बिहिबारदेखि नै कार्तिक पूर्णिमा स्नान गर्न भीड लागेको छ ।
विभिन्न घाटहरुमा स्थानीय आयोजकले पूर्णिमा मेलालाई आकर्षक बनाउने विभिन्न कार्यक्रमको आयोजना गरेको छ । पूर्णिमा स्नानका लागि भक्तजनहरु उत्तरायणी, मरेवा घाट, चिकना घाट, चतरी घाट, सारस्वर घाट, बसपिट्टा घाट र इनर्वा घाटमा भक्तजनहरु पुगेका छन् ।
कमलामा पूर्णिमा स्नानसँगै दहि च्यूरा खाने प्रचलन रहेको छ । साथै भूत मेलाले पनि चिनिने पूर्णिमा स्नाका दिन सतबैध गर्ने परम्परा पनि छ । टुनामुना सिकनेहरु सतबैध गर्ने गरेको र त्यसैको लागि भगत समेत खेल्ने गरेको दृश्यहरुमा यी घाटहरुमा देखिएको छ ।
भूतमेला भर्न ट्याक्टरसहितका सवारी साधन र पैदल समेत विभिन्न गाउँवाट कमला नदि पुग्ने चलन रहँदै आएको छ । भारतबाट समेत स्नान गर्न हजारौं मानिस सिरहास्थित कमला घाट आउने गर्छन् ।
