मधेसमै जलाइयो जसपाको झण्डा र उपेन्द्र यादवको पुत्ला

वीरगन्ज : पर्साको वीरगञ्जमा जनता समाजवादी पार्टीको झण्डा र अध्यक्ष उपेन्द्र यादवको पुत्ला जलाइएको छ । पर्साबाट मन्त्री नबनाएकोमा यूवाहरु आक्रोशित बनेर जसपाको झण्डा र अध्यक्ष यादवको पुत्ला जलाएको हो ।

जसपाकै यूवाहरुले अध्यक्ष यादवविरुद्ध नाराबाजी समेत गरे । स्रोतका अनुसार प्रदिप यादवलाई मन्त्री नबनाएकोमा ति यूवाहरु आक्रोश पोखेका हुन् । आक्रोशित यूवाहरु ‘उपेन्द्र कुता मार जुत्ता’ र ‘काला नाग उपेन्द्र यादव मुर्दावाद’ जस्ता नारा समेत लगाएका थिए ।

मन्त्री चयनको विषयलाई लिएर जसपामा असन्तुष्टि बढेको छ । अध्यक्ष यादवकै छोरा अमरेन्द्र यादवले पनि रेणु यादव र महेन्द्र राय यादवलाई मन्त्री बनाएकोमा असन्तुष्टि पोखेका हुन् ।