जनकपुरधाम । मधेश प्रदेशका पूर्व सभामुख रामचन्द्र मण्डल चढदै आएको सरकारी गाडीमा नीजि नम्बर प्लेट लगाएर गाडी चढेको आरोपमा उनका ज्वाईँ रमेश मण्डल पक्राउ परेका छन् ।
निर्वाचनको मौन अवधी चलिरहँदा धनुषा निर्वाचन क्षेत्र नं. १ को मिथिलाबिहारी नगरपालिका वडा नं. २ पुरनदाहास्थितबाट पक्राउ गरिएको प्रहरीले जनाएको छ ।
सभामुख रहेको बेला धनुषा निर्वाचन क्षेत्र नं. १ का नेकपा एमालेका उम्मेदवार समेत रहेको रामचन्द्र मण्डलले सो सवारी प्रयोग गर्दै आएकोमा पदबाट हटाइएपछि पनि उनले सवारी फिर्ता नगरेको आरोप थियो । बिशेष सूचनाको आधारमा उनलाई पक्राउ गरिएको प्रहरीले जनाएको छ ।
सशस्त्र प्रहरी बल, नेपालको विशेष चेकजाँचका क्रममा बागमती–प्र–०१ ००३२ च ७८९४ नम्बरको गाडीमा नक्कली नम्बर प्लेट प्रयोग गरिएको आशंका गरिएको छ। उक्त गाडीे संवैद्यानिक नियोगका अधिकारीले चढने बागमति प्रदेश ०२–००१ झ ०२७९ को रहेको बुझिएको छ । सो नम्बरको गाडी पूर्व सभामुख मण्डल चढदै आएका थिए । गाडीमा हाफ निलो र हाफ रातो रँगको प्लेट अरिजनल हुनुपर्नेमा पूर्ण रुपमा नीजि रातो प्लेट बनाएर चढदै आएका थिए ।
सुरक्षा स्रोतका अनुसार उक्त गाडी प्रदेश सभाको सरकारी सवारी हो। मतदाता प्रभावित पार्ने उद्देश्यले नम्बर परिवर्तन गरिएको हुन सक्ने प्रारम्भिक अनुमान गरिएको छ। गाडी र रमेश मण्डललाई थप अनुसन्धानका लागि धनुषाधामस्थित प्रहरी कार्यालयमा बुझाइएको छ।
यता, ईलाका प्रहरी कार्यालय धनुषाधामले भने यस बारेमा बताउन चाहेनन् । जिल्ला प्रहरी कार्यालय धनुषाले व्यस्तता जनाए । enewsbureau
