काठमाडौं । हालै भारतीय उद्योगपति हर्ष गोयन्काले सामाजिक सञ्जालमा आइआइटी-आइआइएम ग्रयाजुएट उद्यमी अभिषेक कुमारको कथा साझा गरे। अभिषेक कुमारले २०१६ मा गोल्डम्यान स्याक्समा १ करोड रुपैयाँको जागिर छोडेको बताए। त्यसपछि उनले माइगेट नामक स्टार्टअप सिर्जना गर्ने निर्णय गरे।
अहिले माइगेट भारतका २५,००० भन्दा बढी हाउजिङ सोसाइटीहरूमा ४० लाख भन्दा बढी मानिसहरूले प्रयोग गर्ने सुरक्षा र समुदाय व्यवस्थापन एप हो। अहिले यो कम्पनीको मूल्य १६७० करोड अनुमान गरिएको छ । यो एप सिर्जना गर्नुअघि अभिषेकले सुरक्षा गार्डको पोशाक लगाउँथे र अन्य गार्ड जस्तै १४ घण्टाको सिफ्टमा काम गर्थे।
अभिषेकले आफ्नो लिंक्डइन पोस्टमा सुरक्षा गार्ड बन्नुको कारण बताएका छन् । अभिषेकले गार्डहरूको दिनचर्यालाई नजिकबाट अनुभव गर्न आफूले गार्टको काम गरेको बताएका छन्। आफैले काम गरेपछि उनले गार्डहरूको समस्या बुझे । अभिषेकले गार्डहरूले १४ घण्टाको सिफ्टमा ५० भन्दा बढी कलहरू कसरी ह्यान्डल गर्छन्, आगन्तुकहरूको रेकर्ड म्यानुअल रूपमा राख्छन् र अझै पनि गुनासोहरू आइरहन्छन् भन्ने कुरा बुझे ।
यो सबै सिकाइसँगै अभिषेकले आफ्नो माइगेट नामक कम्पनी स्थापना गरे, जसले यी समस्याहरूलाई सजिलो बनाउन काम गर्छ। हर्ष गोयन्काले अभिषेकको कार्यको प्रशंसा गर्दै भने – गरेर सिक्नु नै अभिषेकलाई अरूभन्दा फरक बनाउँछ। २०२३ मा अभिषेकको कम्पनीले ७७ करोड नाफा कमाएको थियो । २०२४ मा नाफा बढेर १०९ करोड भयो । अभिषेकले २०२५ मा नाफा १६५ करोड पुग्ने अपेक्षा गरेका छन् ।
