लोकेन्द्र प्रसाद यादव
बोदेबरसाईन । सप्तरीको बलान बिहुल गाउँपालिकाले शिक्षामा दूरगामी र गुणस्तरीय सुधारको लागि योजना निर्माण सम्बन्धी कार्यशाला गोष्ठि सम्पन्न गरेको छ ।
गाउँपालिकले बिहीबार शिक्षामा दूरगामी र गुणस्तरीय सुधारको लागि स्थानीय तहको शिक्षा क्षेत्र योजना निर्माण सम्बन्धि कार्यशालामा शैक्षिक प्रोफाइल अद्यावधिक, सरोकारवालासंग सुझाव संकलन गर्ने र समग्र रूपमा गाउँपालिका भित्र रहेका सामुदायिक विद्यालयको वाषिर्क शैक्षिक मद्दत पुगाउने उद्देश्यले गाउँपालिका अध्यक्ष खेमचन्द्र यादवलाई संयोजकत्वमा चययन गर्दै कार्यदल गठन गरेका छन् ।
यस्तै सदस्यहरूमा प्रमुख प्रशासकीय अधिकृत मुसहरू साह, कार्यपालिका सदस्य संजिव शर्मा, योजना शाख ईन्जिनियर अवधेश यादव, सूचना प्रविधि अधिकृत मुकेश यादव, प्रधानाध्यापक किशुन यादव, शिक्षा शाखा प्रमुख दिनेश मण्डललाई सदस्य सचिवको रूपमा चयन गरेका छन् ।
गाउँपालिकाको समन्वयमा तथा पिपुल पोरमेट सेन्टरद्वारा आयोजित उक्त कार्याशाला गोष्ठीका अध्यक्षता ग्रहण गरेका कार्यपालिका सदस्य संजिव शर्माले भने शिक्षामा दूरगामी र गुणास्तरीय सुधारको लागि गरिएको वाषिर्क योजना आवश्यक रहेको बताउदैँ शिक्षा क्षेत्र सुधार योजनाले सीपयुक्त, दक्ष र गुणस्तरीय जनशक्ति उत्पादन भइ स्वरोजगारमुखी बन्न अभिप्रेरित गर्ने बताएका छन् ।
निमित्त प्रमुख प्रशासकीय अधिकृत मुसहरू साहले यसको प्रभावकारिता हेरेर आगामी दिनमा पनि यस्ता कार्यक्रमहरु गाउँपालिकाले प्राथमिकता दिने प्रकाश पारेका छन् । उनले यस्ता गेष्ठीले सर्वसाधारणमा शिक्षाको महत्वबारे जानकारी हुनुका साथै समाजका सबै वर्ग, समुदायमा जनचेतना जागृहत हुने बताएका हुन् ।
स्थानीय तहको शिक्षा क्षेत्र योजना निर्माण सम्बन्धि कार्यशालामा सहजीकरण बोदे बरसाईन नगरपालिकाका नगर शिक्षा अधिकृत रामसागर यादवले गरेको थियो । उहाँले शिक्षा क्षेत्र सम्पूर्ण विकासको मेरूदण्ड भएकोले सोही अनुसार लगानी गर्न सरोकारवालासंग आग्रह गरे ।
कार्यक्रममा बालन बिहुल गाउँपालिका वडा नम्बर –१ का वडा अध्यक्ष रामकुमार यादव, कार्यपालिका सदस्य सरस्वती यादव, पिपुल पोरमेट सेन्टरका फिल्ड सुपरभाइजर रंनजना चौधरी, पत्रकार रासिन्द्र यादवलगायतको उपस्थिति रहेको थियो ।
