सर्लाहीमा बलात्कार मुद्दामा ७० वर्षीय वृद्ध जेल चलान

बलात्कार मुद्दामा सार्वोच्च अदालतबाट १० वर्ष कैद सजाय करार भएका एक वृद्ध पक्राउ परेका छन् । पक्राउ पर्नेमा सर्लाहीको हरिपुर नगरपालिका वडा न. ५ का ७० वर्षीय सफी अहमद रहेका छन् ।
लामोसमयदेखि फरार रहेका उनलाई ईलाका प्रहरी कार्यालय हरिपुरको टोलिले पक्राउ गरेको सर्लाहीका प्रहरी प्रवक्ता डिएसपी दिपेन्द्र पजियार थारुले जानकारी दिए ।

जवरजस्ती करणी मुद्दामा सर्वोच्च अदालतले उनलाई ९ बर्ष ११ महिना २८ दिन कैद ठहर गरेको थियो । उनलाई सर्लाही जिल्ला अदालतमा पेश गर्दा सजाय भुक्तानका लागि कारागार कार्यालय सिन्धुली पठाईएको प्रवक्ता थारुले जानकारी दिए ।