मधेश प्रदेशका आन्तरिक मामिला तथा सञ्चारमन्त्री भरत प्रसाद साहले संघ सरकारले प्रहरी समायोजन गर्न आलटाल गरिरहेकाले अब जवरजस्ती भएपनि प्रहरी भर्ना खोल्ने बताएका छन् ।
प्रदेश सरकार र संघ सरकारले समेत प्रहरी ऐन बनाइसकेपनि समायोजन गर्न आलटाल गरिरहेकाले अब प्रहरी भर्नाका लागि विज्ञापन आह्वान गर्ने चेतावनी दिएका छन् ।
बुधवार प्रदेश सरकार तथा जनप्रतिनिधीसँग सूचनाको हक सम्बन्धी कार्याशालामा बोल्दै मन्त्री साहले यस्तो बताएका हुन् ।
उनले प्रदेश सरकारको पहिलो अनुसूचीमा शान्तिसुरक्षाको जिम्माको रहेपनि प्रहरी आफुहरुको मातहतमा अहिलेसम्म प्रहरी नरहेको बताए । उनले भने, ‘यहाँ पनि ऐन बनिसकेको छ, त्यहाँ पनि बनिसकेको छ । मात्र प्राविधिक विषय रहेको छ । मन्त्रीले स्विच अन गरे हुन्छ तर गरिरहेका छैनन् ।’
‘अब एक मात्र उपाय छ मन्त्रीपरिषद्बाट ठाढो पास गरेर प्रहरी भर्ना गर्छु,,’ उनले अगाडी भने, ‘म लडनबाट डराउने मान्छे होइन् । म लड्ने मान्छे हो ।’
निर्वाचनको समयमा अहिले आफुपनि व्यस्त रहेको भन्दै मन्त्री साहले निर्वाचन पश्चात २ सय भएपनि प्रहरी जवान भर्नाका लागि विज्ञापन आह्वान गरे बताए ।
