धनुषा : सामूहिक बलात्कार (जबरजस्ती करणी) आरोपमा धनषामा एक युवक पक्राउ परेका छन ।
जिल्लाको धनुषाधाम नगरपालिका २ धरमपुर स्थित सडक छेउको धान खेतमा एक युवतीलाई सामूहिक बलात्कार गरेको आरोपमा प्रहरीले स्थानीय १९ वर्षिय विजयकुमार यादवलाई पक्राउ गरेको हो ।
जिल्ला प्रहरी कार्यालय धनुषाद्वारा जारी प्रेस विज्ञप्ति अनुसार पिडीत युवती आफ्नो दिदीको घर नौ सय विग्घाबाट गाउँले दुई जना दाजुसँग घर जाने क्रममा मोटरसाइकल गएका ४ जना युवकको समूहले धरमपुर नजिक सडक छेउको एक खेतमा लागि सामूहिक बलात्कार गरेका थिए ।
प्रहरीका अनुसार मोटरसाइकलमा सवार ती व्यक्तिहरुले दाजुसँग गइरहेको युवतीलाई जबरदस्ती रोकेर गाउँका केही साथीहरुलाई बोलाई दाजु भनिएका व्यक्तिलाई कुटपिट गरी घरतर्फ पठाई युवतीलाई सकुन यादवको धान खेतमा लगेर पालैपालो बलत्कार गरेको घटनाको अनुसन्धानमा देखिएको छ ।
जवरजस्ती करणी गरेकोमा अनुसन्धानको क्रममा पिडितले टिपाएको हुलियाको आधारमा जिप्रकामा सनाखतको लागी ल्याइएका व्यक्तिहरु मध्ये धनुषाधाम २ धरमपुरका विजय कुमार यादवलाई पक्राउ गरी म्याद थपेर अनुसन्धान प्रक्रिया अघि बढाइएको छ भने अन्य आरोपितको खोजी कार्य जारी रहेको प्रहरी नायब उपरिक्षक मकेन्द्र मिश्रले बताएका छन । lokpukar
