शुभ नारायण यादव-
सप्तरी । सप्तरीको राजविराजस्थित छिन्नमस्ता अस्पतालले छैटौं चरणको नि:शुल्क स्वास्थ्य शिविर सम्पन्न गरेको छ ।
लायन्स क्लब र छिन्नमस्ता अस्पतालको आयोजना तथा वडा कार्यालयको सहकार्यमा सप्तकोसी नगरपालिका-१० भगनी मलेठस्थित जनता माध्यमिक विद्यालयमा नि:शुल्क स्वास्थ्य शिविर सप्पन्न भएको हो ।
स्वास्थ्य शिविरमा दुई सय ३४ जना मध्ये एक सय १४ जना महिला तथा एक सय २० जना पुरुषको स्वास्थ्य परिक्षण गरिएको अस्पताल प्रशासनले जनाएको छ ।
उक्त एक दिने स्वास्थ्य शिविरमा छिन्नमस्ता अस्पतालका बाल रोगको बिशेषज्ञ डाक्टर राजन जैसवाल, डाक्टर इन्द्र भुषन मंडल, डाक्टर रूपेश यादव, स्वास्थ्यकर्मी विमला पसवान, हेमु देव, किरन यादव, नविन यादव, चान्दनी यादव, अनिता देव,कुन्जीलाल लगायत छिन्नमस्ता अस्पतालका प्रशासन कार्यालयबाट संतोष यादव सहभागी थिए ।
शिविरमा सप्तकाेसी नगरपालिकाका प्रमुख उतम शर्मा, उप प्रमुख आशा चौधरी र प्रधानाध्यापक रामदेव चौधरी लगायतकाहरुकाे उपस्थिति रहेकाे थियाे ।
