काठमाडौ । नेपाल कम्युनिष्ट पार्टी (नेकपा) दाहाल–नेपाल समूहका अध्यक्ष पुष्पकमल दाहालविरूद्ध अदालतमा मुद्धा परेको छ । सर्वोच्च अदालतमा विचाराधिन विषयमा अनावश्यक टिकाटिप्पणी गरेको भन्दै उनी विरुद्ध अवहेलना मुद्दा दर्ता भएको हो ।
प्रचण्डविरुद्ध अधिवक्ता समिर हायूले मुद्दा दर्ता गरेका हुन् र मुद्दाको पेशी मंगलबारका लागि तोकिएको छ। गएको शुक्रबार विराटनगरको सभामा प्रचण्डले दिएको अभिव्यक्तिका कारण उनी विरुद्ध मुद्दा दर्ता भएको हो । गर्ने र अपमान गर्ने काम भएको बताएका थिए।
प्रतिनिधिसभा विघटनको मुद्दामा सर्वोच्चको संवैधानिक इजलासमा केही दिनयता निरन्तर बहस चलिरहेको छ । यसअघि प्रधानमन्त्री केपी शर्मा ओली, पूर्वसभामुख दमननाथ ढुंगाना र चार पूर्वप्रधानन्यायाधीशहरू मीनबहादुर रायमाझी अनुपराज शर्मा कल्याण श्रेष्ठ र सुशीला कार्कीविरुद्ध पनि अवहेलना मुद्दा दर्ता भएको छ ।
उनीहरूलाई आफै उपस्थित भएर लिखित जवाफ पेस गर्न आदेश भइसकेको छ । प्रतिनिधिसभा विघटनविरुद्धको मुद्दा सर्वोच्च अदालतको संवैधानिक इजलासमा चलिरहेको अवस्थामा त्यससँग सम्बन्धित अभिव्यक्ति दिएको एवं विज्ञप्ति जारी गरेको भन्दै प्रधान्यायाधीशहरूविरुद्ध सर्वोच्च अदालतमा अवहेलना मुद्दा दर्ता भएको हो। nepalkhabarofficial
