इरानसँग परमाणु वार्ता फेरि सुरु गर्न बेलायती प्रधानमन्त्रीको अपिल

काठमाडौं । बेलायती प्रधानमन्त्री केयर स्टारमरले इरानको आणविक स्थलहरूमा अमेरिकी आक्रमणप्रति प्रतिक्रिया जनाएका छन्।

उनले आफ्नो बयानमा भने, “इरानको आणविक कार्यक्रम अन्तर्राष्ट्रिय सुरक्षाको लागि गम्भीर खतरा हो। इरानलाई कहिल्यै पनि आणविक हतियार बनाउन अनुमति दिन सकिँदैन र अमेरिकाले यो खतरा कम गर्न यो कदम चालेको हो।”

उनले भने “मध्य पूर्वको अवस्था अझै पनि धेरै संवेदनशील छ र त्यस क्षेत्रमा स्थिरता कायम राख्नु प्राथमिकता हो।” केयर स्टारमरले इरानलाई आणविक सम्झौतामा फेरि वार्ता सुरु गर्न अपील गरेका छन्। उनले भने, “इरानले यो संकट अन्त्य गर्न कूटनीतिक समाधान खोज्नुपर्छ।”