पडरिया चोकस्थित ‘रत्ना अटो इलेक्ट्रोनिक’मा MG S5 EV को कार अत्यधिक बिक्री हुँदै

महेश सिंह लहान- सिरहाको लहान–पडरिया चोकमा रहेको रत्ना अटो इलेक्ट्रोनिक ईभी शोरुमले एमजीको नयाँ मोडेल MG S5 EV सार्वजनिक गर्दै औपचारिक रूपमा बिक्री सुरुआत गरेको छ। शोरुमले छोटो समयमै स्थानीय बजारमा उल्लेख्य उपस्थिति जमाउँदै आएको छ।
सोमबार सम्पन्न औपचारिक समारोहका प्रमुख अतिथि पत्रकार महासंघ सिरहाका अध्यक्ष मनोज बनैता थिए। वरिष्ठ पत्रकार दिनेश्वर गुप्ता, पत्रकार सीतल साह, महेश सिंह र आशीष साहलगायत एक दर्जन पत्रकारको उपस्थितिमा नयाँ भेरिएसन सार्वजनिक गरिएको हो।
शोरुमका सञ्चालक चेतन मुरारका अनुसार हालसम्म ८ वटा भिन्न मोडेलका ईभी कार बिक्री भइसकेका छन्। “ग्राहकको चासो र भरोसा बढ्दो छ,” मुरारकाले भने, “हामीले राष्ट्रिय वाणिज्य बैंकसँगको सहकार्यमा ४० प्रतिशत डाउनपेमेन्टमै किस्ताबन्दी सुविधा उपलब्ध गराएका छौं।”
शोरुममा २० लाखदेखि १ करोड रुपैयाँसम्मका मूल्यमा विविध मोडेल राखिएका छन्। सस्तो मर्मत खर्च, भरपर्दो पार्ट्स उपलब्धता र समयमै सर्भिसिङ सुविधाले गर्दा स्थानीय ग्राहकबीच यसको माग बढ्दो छ।
हाल सार्वजनिक गरिएको MG S5 EV मा रियर-ह्वील ड्राइभ, इनडिपेन्डेन्ट सस्पेन्सन तथा विश्वकै पातलो ब्याट्री जस्ता सुविधा रहेका छन्। यो गाडी तीन फरक भेरिएसनमा उपलब्ध छ, जसको मूल्य ४३.९९ लाखदेखि ५४.९९ लाख रुपैयाँसम्म तोकिएको छ।
सञ्चालक मुरारका र सह–सञ्चालक अजित अग्रवालले कार परीक्षण र अवलोकनका लागि ग्राहकलाई शोरुममा आमन्त्रण गर्दै यस्तो मूल्यमा यति फिचर भएको कार अन्यत्र नपाइने दाबी गरे। शोरुममा विद्युतीय सवारीसँगै इन्धन प्रणालीका सवारी साधनहरू पनि बिक्रीमा छन्।