महेश सिंह लहान,”यात्रा समृद्धिको, लक्ष्य समाजवादको” नाराका साथ नेपाल कम्युनिष्ट पार्टी (एकीकृत समाजवादी) ले लहान नगरपालिकामा आफ्नो १७औं नगर अधिवेशनको उद्घाटन समारोह सम्पन्न गरेको छ।
शनिबार (जेठ १० गते २०८१) लहानको गोपाल सेवा समितिको प्राङ्गणमा आयोजित कार्यक्रममा पार्टीका स्थानीय तथा केन्द्रिय नेताहरूको उपस्थिति रहेको थियो। कार्यक्रममा नगर समितिका प्रतिनिधिहरू,पार्टी कार्यकर्ता, शुभेच्छुकहरू तथा विभिन्न सामाजिक क्षेत्रका व्यक्तिहरूको उल्लेखनीय सहभागिता रह्यो।
उद्घाटन समारोहमा पार्टीको संगठन सुदृढीकरण, जनसमस्या समाधानमा पार्टीको भूमिका, र आगामी चुनावी रणनीतिका विषयमा गम्भीर छलफल गरिएको जनाइएको छ।
कार्यक्रमको आयोजना नेपाल कम्युनिष्ट पार्टी (एकीकृत समाजवादी) लहान नगर समिति, सिरहाले गरेको हो।
यस अधिवेशनले पार्टीको सांगठनिक संरचना बलियो बनाउने र समाजवादी मूल्यमान्यता अनुसार समाज रुपान्तरणको कार्यमा सक्रिय भूमिका खेल्ने अपेक्षा गरिएको छ। नगर अध्यक्ष बिनोद कुमार साह को अध्यक्षतामा कार्यक्रम सुरु भएको छ भने पुर्व मन्त्री राम चन्द्र यादव औपचारिक कार्यक्रमको प्रमुख अतिथिले गमलामा पानी हालेर अधिबेशनको उदघाटन समारोह सम्पन्न गरेको हो।
उक्त अधिबेशनमा उल्लेखनीय पार्टीका शिर्ष नेताहरुको उपस्थिति रहेको आयोजक समितिले जनाए।
