गोलबजारबाट नक्कली रुपैया छाप्ने मेशिन सहित तिन जना पक्राउ

67

संजय यादव, २७ कात्तिक
गोलबजार, सिरहा

सिरहाको गोलबजारबाट नक्कली रुपैया छाप्ने मेशिन सहित तिन जनालाई प्रहरीले पक्राउ गरेको छ । गोप्य सूचनाको आधारमा ईलाका प्रहरी कार्यालय गोलबजार र सशस्त्र प्रहरी बल, नेपाल सुरक्षा वेश गोलबजारबाट खटेको संयुक्त प्रहरीको टोलीले ३ जना सहित नोट छाप्ने प्रिन्टर, ल्यापटप र एक हजारको नक्कली नेपाली नोट ६ लाख ८४ हजार बरामद गरेको पत्रकार सम्मेलन मार्फत जानकारी गराएका छन् ।

ईलाका प्रहरी कार्यालय गोलबजारको प्रांगनमा पत्रकार सम्मेलन गर्दै ईलाका प्रहरी कार्यालय मिर्चैयाका डिएसपी सन्तुलााल जयसबारले गोलबजार नगरपालिका वडा नं ६ स्थित बिरेन्द्र महतोको घरमा डेरा गरी बस्ने गोलबजार नगरपालिका वार्ड नं १२ बेतौना बस्ने बर्ष २५ को धिरज राय, बर्ष २० को संजय कुमार राय र कल्याणपुर नगरपालिका वडा नं ७ भेडिया बस्ने बर्ष २५ को बिमलेन्द्र नायक रहेको जानकारी गराए । उनीहरुको साथ बाट एक हजारको नक्कली नेपाली नोट ६ लाख ८४ हजार, एचपी कम्पनीको ल्यापटप एक थान, क्यानन कम्पनीको प्रिन्टर एक थान, स१०प ५०३४ नं को पल्सर मोटरसाईकल एक थान बरामद गरेको डिएसपी जयसवारले बताए । डिएसपी जयसवारले भने, आवश्यक कारबाहीको लागि थप अनुसन्धान भईरहेको बताए ।