इस्लामावाद । पाकिस्तानमा प्रधानमन्त्री इमरान खानले जनतामाथि दमन गरेको र मुलुक विदेशीको इशारामा चलाइरहेको भन्दै पछिल्लो समय रक्तपातपूर्ण प्रदर्शनहरु भइरहेका छन् । दक्षिण एसियाली मुलुक पाकिस्तानमा एकपछि अर्को गर्नै विभिन्न मुद्दाहरु उठाउँदै प्रदर्शनहरु भइरहेका छन् ।
पाकिस्तान सरकारको पछिल्लो कदमले अधिकांश महिला आन्दोलनकारीहरु सडकमा उत्रिएका छन् ।
रिपोर्टका अनुसार यस क्षेत्रको पाकिस्तान मुसलमान लीग (नवाज) को बैठक अगाडि पञ्जाब प्रान्तमा बृहत प्रदर्शन भएको हो ।
इमरान खानको मन्त्रिपरिषद् र पाकिस्तानी सेना पीएमएलएन बैठकको अनुमति नदिने बताइरहेका छन् । पार्टीका संस्थापकसमेत रहेका पूर्व प्रधानमन्त्री नवाज शरीफको छोरी मरियम नवाजको अध्यक्षतामा उक्त बैठक हुने भएको छ ।
स्रोतका अनुसार महिलाहरूले सुरक्षा र आतंकवादसम्बन्धी मुद्दाहरुलाई दबाउनका लागि सेनाले बैठक रोक्न खोजिरहेको छ ।
प्रदर्शनमा देखिएका तस्बिरहरुका अनुसार सेनाले प्रदर्शनकारीहरुलाई कुटपिट गरेको, महिलाहरु सडकमै खसेको, गम्भीर घाइते भएको देखिएको छ । इमरान खानको नेतृत्वमा निर्दयी सरकारले प्रदर्शन रोक्न बल प्रयोग गरेको हो ।
घटना पछि उक्त क्षेत्र तनावपूर्ण रहेको बताइएको छ ।
यसभन्दा पहिले कराची, पाकिस्तान नियन्त्रित काश्मिर र गिलगित बाल्टिस्तानमा विरोध प्रदर्शन भएको थियो ।
सरकारले पञ्जाबबाट पीएमएलएन नेताहरूको अनियमित गिरफ्तारीको सहारा लिएको छ । जुन पार्टीलाई कमजोर पार्ने प्रयास र खान र पाकिस्तान सेनाविरुद्ध लाग्ने सम्भावनालाई बाधा पुर्याउने माध्यमको रूपमा चित्रण गरिएको छ ।
