रिहा हुँदै गर्दा दुर्गा प्रसाईंले भने- म हारेको छैन नि फेरि

काठमाडौं । विवादित मेडिकल व्यवसायी दुर्गा प्रसाईंले रिहा हुँदै गर्दा आफू नहारेको प्रतिक्रिया दिएका छन्।

शुक्रबार सर्वोच्च अदालले थुनामुक्त गर्न आदेश दिएसँगै रिहा भएका प्रसाईंले उक्त प्रतिक्रिया दिएका हुन्।

‘म हारेको छैन है। यो हारेको होइन नि फेरि। यो मैले जितेको हो, यो तपाईंहरूको जित हो,’ प्रसाईंले भने।

छोरा निराजनको तर्फबाट नारायण खवासले पुस २ गते थुनामुक्तको माग दाबी गर्दै रिट दायर गरेकोमा बुधबार न्यायाधीश सुनीलकुमार पोखरेलको इजलासले प्रारम्भिक सुनुवाइ गरेर थुनुवा झिकाउने आदेशसहित कारण देखाऊ आदेश जारी गरेको थियो।

शुक्रबार न्यायाधीशद्वय नहकुल सुवेदी र शारङ्गा सुवेदीको इजलासले प्रसाईंलाई थुनामुक्त गर्न आदेश दिएको हो।