काठमाडौं । बेरुतमा भएको हवाई हमलामा डाक्टर तगरिब दीआबको क्लिनिक पनि पूर्ण रुपमा ध्वस्त भएको छ ।
शनिबार सामाजिक सञ्जालमा पोस्ट गरिएको हवाई हमलाको चेतावनीबारे डा तगरिबलाई केही थाहा थिएन।
तर, उनको क्लिनिक भत्किएको जानकारी छोरीबाट पाए । उनकी छोरीले नै ध्वस्त भएको क्लिनिकको तस्बिर डा. तगरिबलाई पठाइन् ।
इजरायली सेनाका अरबी भाषाका प्रवक्ता कर्नेल अविचाइ इद्राइले लेबनानमा हवाई आक्रमणको बारेमा सामाजिक सञ्जालमा चेतावनीहरू पोस्ट गर्न जारी राखेका छन्।
“मलाई मेरो मुटु फुट्ला जस्तो लाग्यो,” डा. तगरिबले आफ्नो क्लिनिक हवाई हमलामा ध्वस्त भएको बारेमा भने।
लेबनानको स्वास्थ्य मन्त्रालयले शनिबार राति सुरु भएको इजरायली हवाई आक्रमणमा २३ जनाको ज्यान गएको जनाएको छ ।
यी हवाई आक्रमणमा ९३ जना घाइते भएको पनि मन्त्रालयले जनाएको छ । इजरायलले लेबनानस्थित हिजबुल्लाहमाथि लगातार हवाई हमला गरिरहेको छ।
इजरायलले लेबनानको राजधानी बेरुतमा सबैभन्दा घातक हमला गरेको छ।
इजरायली सेनाले हिजबुल्लाहका हतियार भण्डार र अन्य सुविधाहरूलाई निशाना बनाएको बताएको छ।
इजरायलले हिजबुल्लाह विरुद्धको लडाईको सबैभन्दा ठूलो उद्देश्य देशको उत्तरी भागबाट भागेका मानिसहरूलाई आफ्नो घरमा फिर्ता ल्याउनु रहेको बताएको छ।
गत वर्ष अक्टोबर ७ मा हमासले गरेको आक्रमणपछि इजरायलको उत्तरी भागबाट धेरै मानिसहरु भागेका थिए ।
