बडा दशैंको चौंथो दिन आज कुष्माण्डा देवीको पूजा गरिँदै

बडा दशैंको चौंथो दिन आज कुष्माण्डा देवीको विधिपूर्वक पूजा आराधना गरिँदैछ। आश्विन शुक्ल चतुर्थीमा कुष्माण्डा देवीको पूजा विशेष महत्वको मानिन्छ। धार्मिक मान्यताअनुसार, कुष्माण्डा देवीको आराधना गर्नेले शक्ति, ऐश्वर्य, र विद्या प्राप्त गर्दछ। वैदिक सनातन धर्ममा देवीको पूजा आराधना गरी नवदुर्गाका रूपहरूको विशेष सम्मान गरिन्छ।

कुष्माण्डा देवी नवदुर्गाका चौंथो रूप हुन्, जसले तीन प्रमुख ताप—आध्यात्मिक, आधिभौतिक, र आधिदैविक—हराउने विश्वास गरिन्छ। पुराणहरूमा कुष्माण्डा देवीलाई सुराले भरिएको घडा तथा रगतयुक्त पात्र धारण गर्ने देवीको रूपमा उल्लेख गरिएको छ।

यस वर्ष, देशभरका शक्तिपीठहरूमा विशेष पूजा, आरती, र झिलीमिली सजावट गरिएको छ। भक्तजनहरूले शक्ति प्राप्तिका लागि देवीको दर्शन र पूजा गर्दैछन्।