काठमाडौं : विभिन्न सञ्चार गृहबाट कोरोना महामारीको बहानामा पीडित बनाइएका पत्रकार तथा कर्मचारीहरुले सूचना तथा प्रसारण विभागमा लालटिन बालेर प्रदर्शन गरेका छन् ।
आइतबार नेपाल पत्रकार महासंघ, श्रमजीवी हित प्रवद्र्धन समिति र सञ्चारगृहका पीडित पत्रकार÷कर्मचारी संयुक्त संघर्ष समितिको अगुवाइमा श्रमजीवी पत्रकार ऐन कार्यान्वयन नगर्ने र नगराउने खै सरकार कता छ ? भन्दै दिउँसै लालटीन बारेर प्रदर्शन गरेका हुन् ।
सञ्चारगृहको ज्यादति र शोषणको विषयमा पटक पटक आवाज उठाएपनि कोरोना महामारीलाई देखाएर तलव सुविधा नदिएको र जवरजस्ती कामबाट निकालेको भन्दै उनीहरु आन्दोलित भएका हुन् ।
पत्रकार महासंघका महासचिव रमेश बिष्टले श्रमजिवी पत्रकारको हक अधिकार स्थापीत गर्न सरकार उदाशिन भएको भन्दै दवावस्वरुप आन्दोलन गर्नुपरेको बताउनुभयो । उहाले अव पनि श्रमजिवी पत्रकारहरुको समस्या सुनुवाइ नभए सञ्चारगृहलाई अवरोध गर्ने गरि कडा आन्दोलन गर्ने चेतावनी दिनुभयो ।
उनीहरु असोज १५ गतेदेखि २७ गतेसम्म आन्दोलनको पहिलो चरणमा २० गतेसम्म ५ दिने रिले अनसन बसेका थिए । समितिले उनीहरुले २७ गते बालुवाटारमा आधा घण्टा शान्तिपूर्ण धर्ना दिने जनाएका छन् ।
