काठमाडौं । अमेरिकाको बाइडेन प्रशासनले बंगलादेशमा कुनै पनि अन्तरिम सरकार लोकतान्त्रिक सिद्धान्त, कानुनको शासन र बंगलादेशी जनताको चाहना अनुसार गठन हुनुपर्ने बताएको छ ।
अमेरिकी विदेश मन्त्रालयले शेख हसिनाले आफ्नो देशमा राजनीतिक शरण मागेकी छिन् वा छैनन् भन्ने थाहा नभएको बताएको छ ।
अमेरिकी विदेश मन्त्रालयका प्रवक्ता म्याथ्यु मिलरले पत्रकारहरूलाई भने, “हामी बंगलादेशका जनताले त्यहाँको सरकारको भविष्यको निर्णय गरुन् भन्ने चाहन्छौं।”
उनले भने, “जवाफदेहिता भनेको के हो ? यो बंगलादेशको कानुनमा प्रतिबिम्बित हुनुपर्छ। हिंसा गर्ने र कानून तोड्नेलाई जिम्मेवार बनाउनुपर्छ।”
म्याथ्यु मिलरले शेख हसिनाले अमेरिकामा राजनीतिक शरण मागेकी थिइन् वा थिइनन् भन्ने आफूलाई थाहा नभएको बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
