नेपालमा अहिले पनि छुवाछुत कायमै रहेको सिरहाका दलित अगुवाहरुको ठम्याई रहेको छ । नेपाको संविधानमा छुवाछुत सम्बन्धि कानून बने पनि लागु हुन नसकेको पत्रकार सम्मेलन मार्फत अगुवाहरुले बताएका छन ।
नेपालमा समाजिक सदभावमा जनताको सहभागीता परियोजना अन्तर्गत संचालित कार्यक्रममा यसको प्रभावकारिताको विषयमा कार्यक्रमको उद्देश्य बारे दलित महिला केन्द्र नेपालको कार्यकारी निर्देशक तेजेन्द्र लामाले प्रकाश पारेका थिए । लामाका अनुसार हामीसंगै बस्ने हाम्रो सिप चल्ने तर हाम्रो पानी न चल्ने यो कस्तो चलन हो । त्यस्तै जातीय विभेद तथा छुवाछुत् विषयमा जिल्ला भरीका डाटा ज्योति महिला समूहको सदस्य आशा लामाले प्रस्तुत गर्नुभएको थियो । प्रस्तुत डाटामा कार्यक्रम जिल्लाको दुई वटा धनगडीमाई र गोलबजार नगरपालिकामा संचालन रहेको बताए ।
पत्रकार महाँसंघ सिरहाका सभापति मनोज बनैताले नेपालमा जातीय विभेद तथा छुवाछुत न्युनिकरण हुदैछ तर उन्मुलन हुन थप समय लाग्ने वताए । नेपालमा पनि जातीय विभेद तथा छुवाछुत संम्वन्धि कानुन बनिसकेको छ र यस कार्यमा हामी सञ्चारकर्मीहरूले जातीय विभेद र दलित प्रति को नाकारात्मक सोच साथै छुवाछुत जस्ता अपराध न्युनिकरण गर्न अभियानीहरूसँग सहकार्य गरी यस्ता विभेद पटक्कै सहन नसक्ने सन्देश समाजमा दिन खोजेका सभापति बनैताले बताए । ठाउँ ठाउँमा जडान गरिएको पानी ट्यांकको पानी दलित भएकै कारण खान नदिएको भने खवरपति संवेदनशील छु भन्दै आयोजक संस्थालाई जातीय विभेद सम्बन्धि सचेतना मुलक कार्यक्रमहरू शैक्षिक संस्थाहरूमा पनि सञ्चालन गर्न सल्लाह दिनुभयो। साथै यस्ता विषमा जिल्ला भरीका पत्रकार साथीहरुलाई कलम चलाउन समेत आग्रह गरेका छन ।
पिस एकरीको आयोजनामा दलित महिला केन्द्र नेपाल प्रादेशिक कार्यालय गोलबजार र कर्भको सहकार्यमा कार्यक्रम सम्पन्न भएको थियो ।
संस्थाकी अध्यक्ष सावित्रा विकको अध्यक्षतामा सम्पन्न उक्त कार्यक्रमको संचालन आरती साहले गरेकी थिइन् ।
