अभियानले भन्यो, “प्रदेश २ सरकारको निरंतरता हुनु अथवा नहुनु हाम्रो सरोकारको बिषय होईन”

काठमाडाैँ । राष्ट्रिय एकता अभियान राष्ट्रियता र हिन्दूत्वको संरक्षण र सम्बर्द्धनको पक्षमा कटिबद्ध संस्थाकाे रूपमा रहेकाे छ। भ्रखरै अभियानले नेपालको उतरी सिमानामा अवस्थित सिमा स्तम्भहरूको जिपिएस कोर्डिनेटहरू सार्वजनिक गर्न माग गरेका छ।

अभियानका संयाेजक विनय यादवद्वारा हस्ताक्षरित एक प्रेष विज्ञप्तिमा सरकारले उक्त कोर्डीनेटहरू सार्वजनिक नगरे हामी आन्दोलनमा जान बाध्य हुनेछौ भन्दै उल्लेख छ । त्यस्तै हिन्दुराष्ट्रको खारेजीसंगै नेपालभर दिनानुदिन हिन्दुबिरोधी गतिविधिहरू बढदै गएको अभियानकाे ठहर छ ।

प्रेस बिज्ञप्ति
प्रदेश २ सरकार र आरएसएसको बिषयमा

१. राष्ट्रिय एकता अभियान राष्ट्रियता र हिन्दूत्वको संरक्षण र सम्बर्द्धनको पक्षमा कटिबद्ध संस्था हो । त्यहीँ सन्दर्भमा हामीले नेपालको उतरी सिमानामा अवस्थित सिमा स्तम्भहरूको जिपिएस कोर्डिनेटहरू सार्वजनिक गर्न माग गरेका छौ । सरकारले उक्त कोर्डीनेटहरू सार्वजनिक नगरे हामि आन्दोलनमा जान बाध्य हुनेछौ ।

२. हिन्दुराष्ट्रको खारेजीसंगै नेपालभर दिनानुदिन हिन्दुबिरोधी गतिविधिहरू बढदै गएको हाम्रो ठहर छ । तसर्थ, हिन्दु धर्म संस्कृतिको रक्षाको लागि आवस्यक कदम चाल्न हामी बाध्य छौं र त्यही अनुसार अभियानका कार्यहरू अघि बढाउदै आएका छौ ।

३. केही समययता प्रदेश २ मा शृङ्खलाबद्ध रूपमा हिन्दुबिरोधी गतिविधिहरू भएका छन् । हाम्रो चाडपर्वमा अबरोध हुनु आम समस्याको रूपमा देखा परेको छ । देवाही गोनाहीस्थित हनुमान मन्दिरको पुजारी सन्त श्री राम साहको हत्यालगायत धनुषा र सर्लाही जिलाहरूमा गराइएका दङाहरू हिन्दु धर्मबिरोधी सुनियोजित कार्य हो । तसर्थ, प्रदेश २ मा भैरहेका हिन्दू बिरोधी गतिविधिहरू रोक्न केन्द्र सरकार र प्रदेश सरकारको ध्यानाकर्षण गराउदछौं ।

३. प्रदेश २ को वर्तमान सरकारको निरन्तरता हुनु अथवा नहुनुसङ्ग यस अभियानको कुनै सरोकार छैन । प्रदेश २ का मुख्यामन्त्री मो. लालबाबू राउत गद्दी अथवा अन्य कुनै मन्त्रीहरूप्रति हाम्रो कुनै आग्रह पुर्बाग्राह छैन । यद्यपि प्रदेश सरकारसङग आफ्नो क्षेत्राधिकारहरूको प्रयोग गरि हिन्दुत्वबिरोधी कार्यहरू बन्द गराउन आवस्यक कदम चाल्न एबम जनताको जनजिविका सहज पार्ने बिकासका कार्यहरूको गति बढाउन आग्रह गर्दछौं । हामि यही आग्रह अन्य प्रदेशका सरकारहरू एवम केन्द्र सरकारसङग पनि गर्दछौं ।

४. हामी आरएसएसको मूल्य मान्यता र सिद्धान्तका समर्थक हौँ । यद्यपि हाम्रो राष्ट्रिय स्वयंसेवक संघ भारतको भातृ संगठन नभएको प्रस्ट पार्न चाहन्छौ ।