ईलाम युबा देशको ढुक्ढुक्की हुन हामी सबै सामु स्थापित कथन हुन । यही स्वरुप ६५ प्रतिशत जनता माहमरीको चपेटामा परेर दिन दैनिकि साथै आउँदै गरेको चाडपर्ब मा दुखमा परेका जनता लाई मानबताको धर्मले युबाले नगरे कस्ले गर्ने भनेर ईलाममा युबाले नहुनेले लिएर अनि हुनेले दिएर जाउ’ अभियानले हाल सम्ममा दुई सय ४५ घरघुरीलाई राहत वितरण गरेको छ ।
तेस्रो चरण्को राहत कार्यक्रम अन्तर्गत शनिबार देउमाइ नगरपालिका वडा नम्बर ९ मा ९० र वडा नम्बर ७ मा ४१ घर धुरीलाई राहत स्वरुप खाद्य सामग्री वितरण गरेको हो । यसअघि वडा नम्बर ४ मङलबारे बजारमा ३५, वडा नम्बर ८ मा ३३, वडा नम्बर ५ मा ४६ अतिबिपन्न घरधुरीलाई राहत वितरण गरिसकिएको छ ।
प्याकेजमा बिशेष गरि १० किलो चामल, आधा लिटर तेल, एक किलो दाल, एक किलो नुन, एक किलो चिनी र दुइ प्याकेट चाउचाउ र साबुन उपलब्ध गराईएको छ ।
कोभिड-१९ को महामारीले निम्त्याएको आर्थिक संकटलाई मध्यनजर गर्दै नगरका केहि युवाहरुको सकृयतामा आय श्रोत नभएका अति बिपन्न परिवारलाई खाद्यसामग्री नि:शुल्क वितरण गर्ने कार्यक्रमको आयोजना गरिएको हो ।
“हुनेले दिएर जानुहोस्, नहुनेले लिएर जानुहोस्” भन्ने मूल नाराका साथ विशुद्ध मानवता र समाजसेवाको भवनाले यस्तो कार्यक्रम गरिएको आयोजकले जनाएको हो । त्यस्तै सकेको सहयोग गर्दै यो सूचना घर, छरछिमेकमा पुर्याइदिन समेत अभियान्ता हरुले अनुरोध गरेका छन् ।
“जसले मानवतामा विश्वास राख्दछ ” आयोजकको नाममा सुरु गरिएको यो अभियानमा सहयोग स्वरुप खाद्यान्न मात्रै लिने पैसा नलिने समेत बताइएको छ ।
