जनकपुरधाममा यसवर्ष पनि विजयादशमी भव्यतापूर्वक मनाइने भएको छ । हिन्दुधर्माबलम्बीको महान चाँड विजयदशमी भव्यतासाथ मनाउने विषयमा सर्वपक्षीय सहमति भएको हो ।
माँ राजदेवी, माँ बौद्धी तथा माँ अन्नपुर्णा अमरखाना मन्दिरमा हुने पुजा तथा बोकाबलीको व्यवस्थापनको विषयमा सोमवार सर्वपक्षीय छलफल भएको हो । महावीर युवा कमिटी र राम युवा कमिटीको आयोजनामा प्रत्येक वर्ष जस्तै यस वर्ष पनि विजयादशमी परम्परागत अनुष्ठान गर्ने सहमती भएको छ ।
बैठकमा धनुषाका प्रमुख जिल्ला अधिकारी, तिनै तहका सुरक्षा निकायका प्रमुखहरु, जनकपुरधाम उपमहानगरपालिका, जनकपुरधाम उद्योग बाणिज्य संघ, अघिकांश युवा क्लवका अध्यक्षहरु सहितको उपस्थिति रहेको थियो ।
बैठकले मेला व्यवस्थापनको मुख्य मांग शुद्व खानेपानी सुविधा, विद्युत आपुर्ति र जनस्वास्थ्य तथा शान्ति सुरक्षाको सवालमा सबै क्षेत्रबाट सम्बन्धित निकायका प्रमुखहरुले हरेक सहयोग गर्ने प्रतिवद्वता व्यक्त गरेका छन् ।
बोकाबलीका लागि आउने भक्तजनहरुको राती र बिहान प्रयाप्त खानेपानी आपुर्ति, मन्दिर छेउछाउका क्षेत्रलाई लोडसेडिङ्ग मुक्त गरिने र अष्टमीका दिन विशेष मेडिकल क्याम्पको आयोजना गर्ने जिम्मेवारी समेत सम्बन्धित निकायलाई तोकिएको राम युवा किमिटिका महासचिव पंकज कुमार आजादले बताए ।
