सिरहा । धनगढीमाई नगरपालिका स्थित रहेको आरके मेडिसिटी होस्पिटल प्रा.लि. कार्यरत डाक्टर तथा स्वास्थ्यकर्मी माथि स्थानिय युवाहरुले हातपात गरेका छन् ।
सोमवार साझ करिब ७ बजेको समयमा स्थानिय शम्भु यादब र सागर यादबले एक्सरेमा कार्यरत स्वास्थ्यकर्मी रंजित सिंहलाई एक्सरे गर्नमा ढिलो भएको भन्दै हातपात गरेका छन् ।
स्थानिय शम्भुले मोटरसाईकल दुर्घटना परेका स्थानिय १० वर्र्षीय स्थानिय कृष्ण यादबलाई लिएर आरे मेडिसिटी होस्पिटल प्रा.लि.को ईमरजेन्सीमा भर्ना गरेको र उनलाई एक्सरे गर्न ढिलाई भएको भन्दै गालीग्लोज गर्दै हातपात गरेको अस्पताल श्रोतको भनाई रहेको छ ।
यता ईलाका प्रहरी कार्यालय धनगढीका प्रमुख सुनिल कुमार सिंह समेत उक्त घटना क्रममा रहेको अस्पताल श्रोतको भनाई रहेको छ ।
अस्पतालका कार्यकारी निर्देशक देबेन्द्र सिंहका अनुसार एक्सरे गर्ने कोठामा हो हल्ला भएपछि मलाई जानकारी हुन साथ म उक्त कोठामा गएपछि स्थानिय जितेन्द्र यादबले मलाई समेत गाली ग्लोज गरेको बताए ।
प्रहरीको सामु स्वास्थ्य कर्मी माथि हातपात गरेको र प्रहरी मुख दर्शक भएको प्रहरीकै अगाडी धम्की पूर्ण भाषा प्रयोग गरेपनि प्रहरी केही नगरेको आरोप अस्पताल श्रोतले लगाएको छ ।
यता दोषीलाई कानूनको दायरामा ल्याई कानून वमोजिम कारवाहीको लागी हामी प्रहरीमा उजुरी दिने अस्पताल श्रोतको भनाई रहेको छ ।
यस विषयमा हामी थप बुझन शम्भु यादबलाई सम्र्पक गर्न खोजे तर उहाँ संग सम्र्पक हुन सकेन ।
