सर्लाही । नेकपा माओवादी केन्द्रसम्बद्ध खेलकुद महासंघका केन्द्रीय सदस्य सचिन दाहाल र सन्तोष चौहान नेपाली कांग्रेसमा प्रवेश गरेका छन् । सोमवार एक कार्यक्रमका बीच नेपाली कांग्रेस सर्लाहीका सभापति सुरेन्द्र प्रसाद सिंहले उनीहरूलाई पार्टीको सदस्यता प्रदान गरेका हुन् ।
पार्टी सभापति सिंहले नवप्रवेसी दुवै जनालाई खादा अबिर लगाएर केक खुवाई पार्टीमा स्वागत गरेका नेपाली कांग्रेस सर्लाहीका सचिव निरज कार्कीले जानकारी दिए ।
पार्टी कार्यालय मलंगवामा भएको कार्यक्रममा नवप्रवेसी सदस्य दाहालले आफू रहेको पूर्व पार्टी नीति सिद्धान्तअनुसार नचलेकाले आफूले उक्त पार्टी परित्याग गरेको बताए। उनले नेपालमा अब कम्युनिस्ट आन्दोलनको औचित्य समाप्त भएको बताए । उनले कांग्रेसले २००७ सालदेखि अंगालेको समाजवादी सिद्धान्त नछाडेको भए पनि माओवादीले साम्यवादी सिद्धान्तबाट विमुख भइ कांग्रेले अंगालेको बाटोमा आएकाले आफू कंग्रेसमा प्रवेश गरेको बताए ।
उनले २०६४ देखि २०८० सम्म आइपुग्दा नेपालका कम्युनिस्ट नेताहरू भ्रष्टाचारको दलदलमा फसेको टिप्पणी गरे । दाहाल रेसलिंगका राष्ट्रिय खेलाडी हुन् ।
