बिरेन्द्र प्रसाद नेपाल
लहान, साउन । जिल्ला सिरहा सिरहा नगरपालिका वडा नं. १४ खिरौना लच्का स्थित माडर सिरहा सडक खण्डमा प्रहरी चौकी खिरौना सिरहाबाट प्र.स.नि.दुर्गा प्रसाद यादवको कमाण्डमा खटिएको टोलीले यात्रु बाहक अटो रिक्सालाई चेकजाँच गर्दा अबैध लागुऔषध सहित दुई जना महिलालाई नियन्त्रणमा लिएको छ । सो अटो रिक्सामा सवार जिल्ला सप्तरी खडक नडकपालिका वडा नं. ५ रन्जितपुर टोल बस्ने बर्ष २५ की निरा कुमारी चौधरीले बोकेको हयण्ड ब्याग भित्र लुकाई छिपाई ल्याएको लागूऔषध नाईट्रोभेट १० लेखिएको २० पता (६०० पिस ट्याब्लेट ), लागूऔषध, नेपाली रु २,८०५ ।–,मोबाईल ३ थान र सोही अटोमा सवार अर्की महिला सिरहा नगरपालिका वडा नं. १७ खैरटोका बस्ने बर्ष ३० की नमिमा खातुनको साथबाट नेपाली नगद ३१,५०० ।– र मोबाईल १ थान बरामद भएकोले निज दुबै जनालाई लागूऔषध सहित नियन्त्रणमा लिई आवश्यक कार्बाहीको लागी जिल्ला प्रहरी कार्यालय सिरहा बाट थप अनुसन्धान कार्य भईरहेको जिल्ला प्रहरी कार्यालय सिरहाले जानकारी गराउनु भएको छ ।
