महेश सिंह सिरहा लहान ३२ असार – श्रीमानको मृत्यु शोकमा डुबेका सप्तरीको छिन्मस्ता गाउँपालिका वडा नम्बर ५ लोखरमका कविता कुमारी महतोलाई सन नेपाल लाईफ इन्स्योरेन्स कम्पनीले शोक भुलाउन १४ लाख भुक्तानी दिएका छन्।
वैदेशिक रोजगारीको लागी ४ महिना अगाडी मलेसिया पुगेका बुवा गंगा राम महतो र आमा सिया बती महतोकी कान्छे छोरा ३१ बर्षको राम कुमार महतोले काम गरेर कोठामै सुतिरहेको बेला बिहान मृत्यु फेला परेका थिए।उनले ठुलो सपना बोकेर बिदेश गएका थिए।
महतो तेस्रो पल्ट वैदेशिक रोजगारीको लागी मलेसिया पुगेका थिए।आफनै कोठा भित्र बिहान २०७९ माघ २६ गते मृत फेला परेको थियो।मृतक महतोलाई श्रीमती २ छोरी १ छोरा छन्। मृतक महतोको पार्थी शरीरलाई अन्तिम अन्तरेस्टी मलेसियामै गरेको परिवारजनले बताए।
सन नेपाल लाईफ इन्स्योरेन्स कम्पनी लिमिटेड लहान शाखाको प्रबन्धक उपेन्द्र नारायण महतोले श्रीमान गुमाएकी कविता कुमारी महतोलाई पत्रकार महेश सिंहको रोहवरमा माछापुच्छ्रे बैंकको क्रिया खर्च सहित १४ लाखको चेक हस्तान्तरण गरेका छन्।
