काठमाडौं : गत सोमबार निधन भएका विश्व कीर्तिमानी आरोही आङरिता शेर्पाको आत्माको चिर शान्तिका लागि आइतबार बौद्धस्थीत शेर्पा गुम्वामा शान्ति पूजा गरिएको छ ।
विनाअक्सिजन १० पटकसम्म विश्वको सर्वोच्च शिखर सगरमाथाको सफल आरोहण गरेका शेर्पाको सोमबार निधन भएको थियो भने बुधबार बौद्ध पराम्परा अनुसार टेकु दोभानमा अन्त्येष्टि गरिएको थियो । स्वर्गीय शेर्पाको सम्झनामा यम्बु ठमिछो किदुगले शान्ति पूजा गरेको हो । यम्बु ठमिछो किदुगका अध्यक्ष मिङ्वा शेर्पाले आङरिता शेर्पाका लागि सरकारले दिएको सम्मानले समस्त शेर्पा समूदाय नै खुसी रहेको बताउनुभयो । उहाले आगामी दिनमा शेर्पाको परिवारलाई सरकारले बिशेष व्यवस्था गर्नुपर्ने पनि बताउनुभयो ।
सोलुखुम्बुको थामेमा जन्मनुभउका शेर्पा ‘हिमचितुवा’को रुपमा चिनिनुहुन्थ्यो ।
