काठमाडौं – प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
दुई नेताबीच सिंहदरबारमा भएको भेटमा संवैधानिक परिषदको बैठक, समसामयिक राजनीति लगायतका विषयमा कुराकानी भएको हो ।
ओलीका स्वकीय सचिव राजेश बज्राचार्यका अनुसार भेटमा एमाले अध्यक्ष ओलीले सरकारले स्थानीय तहको बजेट कटौती गरेकामा प्रधानमन्त्रीको ध्यानाकर्षण गराएका छन् ।
एमालेका सचिवसमेत रहेका सांसद टोपबहादुर रायामाझीविरुद्ध पक्राउ पूर्जी जारी भएको अवस्थामा ओलीले प्रधानमन्त्रीलाई भेट्नुलाई अर्थपूर्ण रूपमा लिइएको छ।
ओलीसँग भेट्नुअघि प्रधानमन्त्री प्रचण्डले राष्ट्रपति रामचन्द्र पौडेलसँग भेटवार्ता गरेका थिए। राष्ट्रपति निवासमा आजै दिउँसो तीन बजे नवनियुक्त तीन मन्त्रीको शपथ कार्यक्रम राखिएको छ। सीएननेपाल
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
