महेश सिंह सिरहा लहान १ बैशाख – सात महिना अगाडी सिरहाको गोलबजार नगरपालिका वाडा नम्बर ६ का बुवा शिव नारायण साह सुडी आमा सीता देवी सुडीको कान्छो छोरा २० बर्षको जितेन्द्र साह सुडी वैदेशिक रोजगारीको लागी ७ महिना अगाडी मलेसिया पुगेका थिए।
मेसिन चलाउदै गर्दा मेसिनमै किचिएर जितेन्द्र साह सुडीको २०८९ पुस १९ गते मंगलबार मलेसियामा मृत्यु भएको परिवारजनले बताए।मृतक साहको घरायसी आर्थिक अवस्था निकै कमजोर रहेका थिए।मृतक जितेन्द्र साहको बुवा करिब २५ बर्ष अगाडी उनको निधन भएको पीडित आमा सीता देवी साहले दु:ख व्यक्त गरेका थिए।
मृतक साह घरको कान्छो छोरा थिए जेठो छोरा वैदेशिक रोजगारीरमा रहेका छन्।आमा सिताकी श्रीमान करिब २५ बर्ष अगाडी मृगी रोगका कारण मृत्यु भएको हो।आमा सीता देवी साहले काखे दुई छोरालाई ज्याला मजदुरी गरेर लालन पालन गरेका छन्।
मृतक साहकी बिमा अभिलेख नम्बर FE1000469631 रहेका छन्। घर परिवार चलाउने छोराको मृत्यु भए पछि परिवारमा निकै रुवाबासी चलेका थिए। छोराको शोकमा डुबेका आमा सीता देवी साहलाई सन नेपाल लाईफ इन्स्योरेन्स कम्पनी लिमिटेड लहान शखाको प्रबन्धक उपेन्द्र नारायण महतोले छोराको शोकबाट भुलाउन मृत्यु दाबी भुक्तानी अन्तर्गत क्रिया खर्च सहित १४ लाख हस्तान्तरण गरेका छन्।
नेपालमा सन नेपाल लाईफ इन्स्योरेन्स कम्पनीले अरु लाईफ इन्स्योरेन्स कम्पनी भन्दाँ सहज रूपमा बिमा भुक्तानी,मृत्यु दाबी भुक्तानी लगायतका भुक्तानीहरु सहज रूपमा दिने गरेका छन्।मृतककी आमा सीता देवी लाई पत्रकार महेश सिंह र कर्मचारी हेम नारायण सिंह रोशन महतो लगायतका रोहबरमा माछापुच्छ्रे बैंकको१४ लाखको चेक हस्तान्तरण गरेका छ्। पीडित आमा पैसा पाउदै खुशी भएर प्रबन्धक उपेन्द्र नारायण महतोलाई विशेष धन्यवाद दिदै घर फर्किएका थिए।
