महेश सिंह सिरहा लहान ४ चैत -सिरहाको लहानमा द्वन्द पीडितहरुलाई न्यायमा पहुँचको लागी संजाल गठन भएको छ। ईनटरनेशनल अर्लटको आर्थिक सहयोगमा समग्र जन उत्थान केन्द्र लहानद्वारा संचालित न्यायमा पहुँच सबली करण परियोजना अन्तर्गत संजाल गठन गरिएको छ।
नेपालमा सशस्त्र द्वन्दका पीडितहरुको परिपुर्ण तथा तत्कालीन आवश्यकतालाई सम्बोधन गर्न प्रदेश र स्थानीय सरकारलाई जिम्मेवार बनाउन नगर स्तरीय संजाल गठन गरिएको छ। राज्यले द्वन्द पीडितहरुलाई ध्यान नदिदा पीडित परिवारहरुको बिचल्ली भएको छ।
लहान नगरपालिका भित्र रहेको द्वन्द पीडितलाई पहिचान गरी समस्या समाधानको लागी जिम्मेवार बनाउन संजाल गठन भएको हो।स्थानीय सुदिलाल साहको अध्यक्षतामा बसेको बैठकमा स्थानीय सरकारलाई जिम्मेवार बनाई योजना कार्यान्वयनको लागी स्थानीय जनतालाई उतरदायित्व बनाउन पहल गर्नु पर्ने समग्र जनउत्थान केन्द्र लहानका संयोजक राम कृपाल साहले बताए।
लहान नगरपालिका भित्रका करिब १० वाटा वाडाका द्वन्द्व पीडित ब्यक्तीहरुको उपस्थिति रहेको आयोजक संस्थाको समाजिक परिचालक प्रियंका सिंहले बताए। कार्यक्रममा सहभागीहरुलाई कार्यक्रम संयोजक राम कृपाल साहले सहजीकरण गर्नु भएको थियो।कार्यक्रममा महिला अधिकार कर्मी रिता महतो,पत्रकार महेश सिंह,उदिप राउत समाजसेवी युवा बिनोद कुमार यादव लगायतका युवाहरुको उपस्थित रहेको आयोजकले बताए।
