काठमाडौं : संविधान दिवस–२०७७ का अवसरमा नारायणहिटी दरबार संग्रहालय परिसरमा रहेको गणतन्त्र स्मारकमा माल्यार्पण गरिएको छ ।
शनिबार नेकपाका नेता पूर्व संविधानसभाका अध्यक्ष सुवास नेम्वाङ, पर्यटनमन्त्री यागेश भट्टराई लगाएतले गणतन्त्र स्मारकमा माल्यार्पण गर्नुभएको हो ।
सो क्रममा नेकपाका अन्य नेताहरुको पनि सहभागीता थियो । उक्त स्थानमा गणतन्त्र स्थापनाका लागि ज्यान गुमाएकाहरु, अंगभंग भएकाहरु र बेपत्ता भएकाहरुको सम्झानामा स्मारक बनाइएको छ ।
माल्यार्पणपछि उनीहरुले गणतन्त्र स्मारक पार्कको अवलोकन पनि गरेका थिए । जनआन्दोलनको प्रतीक, राजतन्त्रको बहिर्गमन र गणतन्त्रको आगमनको प्रतीकका रुपमा गणतन्त्र स्मारक निर्माण गरिएको थियो । उक्त स्मारक पार्कसहित पैँतीस रोपनी क्षेत्रफलमा अवस्थीत छ ।
