काठमाडौं : नेपालमा शनिबार थप १२०४ जनामा कोरोना संक्रमण पुष्टि भएको छ ।
देशका बिभिन्न स्थानमा गरिएको परिक्षणका क्रममा ४०८ महिला र ७९६ पुरुष गरि थप १२०४ जनामा कोरोना पुष्टि भएको स्वास्थ्य मन्त्रालयले जनाएको छ ।
शनिबार उपत्यकामा थप ७११ जनामा कोरोना पुष्टि भएको छ । जसअनुसार काठमाडौंमा २११ महिला र ३५९ पुरुष गरि ५७० जना, भक्तपुरमा ३७ महिला र ४६ पुरुष गरि ८३ जना र ललितपुरमा ३० महिला र २८ पुरुष गरि ५८ जना रहेका छन् । यो संगै नेपालमा कोरोना संक्रमितको संख्या ६२७९७ पुगेको छ ।
नेपालमा कोरोनाका कारण थप ११ जनाको मृत्यु भएको छ । यो संगै नेपालमा कोरोनाका कारण मृत्यु हुनेको संख्या ४०१ पुगेको छ । त्यस्तै शनिबार थप १४४७ जना डिष्चार्ज भएका छन् भने हालसम्म निको भएर ४५,२६७ जना डिष्चार्ज भएको स्वास्थ्य मन्त्रालयका प्रवक्ता डा जागेश्वर गौतमले जानकारी दिनुभयो ।
हाल क्वारेन्टाइनमा ७७३५ जना रहेका छन् । त्यस्तै होम आइशोलेशनमा ७९७६ जना रहेका छन् भने संस्थागत आइशोलेशनमा ९१५३ रहेका छन् । हालसम्म ९०४७०६ वटा पिसिआर गरिएको स्वास्थ्य मन्त्रालयले जनाएको छ ।
