काठमाडौं । कपिलवस्तु क्षेत्र नम्बर ३ मा नेपाली कांग्रेसका उम्मेदवार अभिषेकप्रताप शाहले ३२ हजार बढी मतले जित्ने घोषणा गरेका छन् ।
४ मंसिरमा हुने प्रतिनिधिसभा र प्रदेशसभा निर्वाचनमा कपिलवस्तु ३ मा वाम लोकतान्त्रिक गठबन्धनको पक्षमा गाउँ गाउँबाट जनताको प्रेम र विश्वास पाउँदा हर्षित भएको र आफू ३२ हजार मतले जित्ने शाहले बताएका हुन् । २०७४ सालमा २० हजार १ मत प्राप्त गरेर विजय भएका थिए । यसपालि १२ हजार मत बढाउने उनको लक्ष्य छ ।
जनताको माया र समर्थन बढ्दै जाँदा यो सम्भव भएको उनको भनाइ छ । शाह यस्तो जनप्रतिनिधि हुन् जसले निरन्तर जनतासँग नियमित सम्पर्क राखिरहेका छन् । जनताको सुख दुखमा साथै हुन्छन् । तिहारमा उनले क्षेत्रका भाइबहिनीसँग देउसी भैलो खेलेका थिए । उनी यस क्षेत्रमा लोकप्रिय छ । शाह चौथौ पटक सांसदको लागि निर्वाचनमा होमिएका छन् ।
लोकतन्त्र र संविधानको पहरेदारीका लागि, क्षेत्रको विकासका लागि अभिषेक जनमत लिन चुनावी दौडमा छन् । मतदाताहरुसँग कार्यकर्ता नेतासँग भेटिरहेका छन् ।
नेपाली कांग्रेस लुम्बिनी प्रदेश सदस्य रवीन्द्रनाथ ठाकुरले संविधान २०७२ को कार्यान्वयन, सार्वभौमसत्ता, लोकतन्त्रको रक्षा, देश, क्षेत्र र प्रदेशको स्वास्थ्य, शिक्षा, पर्यटन, बाटो, पूल, सिंचाई, कृषि, खेलकुद को विकास, रोजगारीमा बृद्धि, भूमिहिन को व्यवस्थापन, धर्म , संस्कृति, परम्परा, संरक्षण प्रबर्द्धन लगायत पिछडिएको वर्ग, क्षेत्रमा समानुपातिक, समाबेसी बिकास गर्न गराउन निष्पक्ष, निडर, पारदर्शी, न्यायप्रेमी, इमान्दार, जनताका सेवकको रुपमा शाहलाई जिताउन अपिल गरेका छन् ।
शाहले भने, ‘म निरन्तर जनताको घरमा पुगेको छु, ३२ हजार मत ल्याउनेमा कुनै शङ्का छैन । १५ वर्षसम्म धेरै काम गरेको छु । जनताको मन जितेर निर्वाचित हुने छु ।’ उनी निर्वाचित भएसँगै मन्त्री बन्ने पक्कापक्की छ ।
प्रधानमन्त्री शेर बहादुर देउवा निकट मानिने शाहले अहिले गाउँ गाउँमा पुगी जनताका समस्या र नागरिकहरू सँग भेटघाट गरिरहेका छन् ।
