बाँके क्षेत्र नं. ३ अन्तरगत वडा नं. १७ परसपुरमा गठबन्धनका अगुवा कार्यकर्ताहरुबीच बिहीवार छलफल तथा भेटघाट कार्यक्रम सम्पन्न भएको छ ।
अगुवा कार्यकर्ता भेटघाट तथा छलफलमा बाँके क्षेत्र नं. ३ गठबन्धनबाट संघका उम्मेद्वार किशोर सिंह राठौरले मतदाता शिक्षा कार्यक्रम लिएर जनतामाझ जान गठबन्धनका अगुवा कार्यकर्तालाई अपील गरेका छन् ।
२०७४मा संविधान विरोधि शक्तिले चुनाव जितेकाले राजनीति अस्थिरतामा फसाएको तर्फ ईङ्गित गर्दै संविधानको रक्षार्थ यतिबेलाको गठबन्धलाई साथ दिन राठौरले आह्वान गरेका थिए ।
विपक्षिले सत्तामा पुग्न गठबन्धन गरेको आरोप लगाई रहेको विषयलाई निराधार भएको बताउँदै कांग्रेस सह-महामन्त्री राठौरले यतिबेलाको गठबन्धन संविधानको रक्षा र ब्यवस्थाको स्थायीत्वका लागी बनेको बताएका थिए ।
कार्यक्रममा संविधान सभा सदस्य आशा वि.क.ले एमालेले नागरिकता विधेयकमा जनतासँग धोखा गरेको बताएकी थिईन । समानुपातिक उम्मेद्वार समेत रहेकी वि.कले गठबन्धनका उम्मेद्वारलाई चुनाव जिताउन आग्रह गरेकी थिईन ।
छलफल तथा भेटघाटका अवसरमा क्षेत्र नं.३ ख का गठबन्धनका उम्मेद्वार बादशाह कुर्मीले यस क्षेत्रको विकासका लागी आँफु हर सम्भव लागी परेको र थप लाग्ने प्रतिबद्धता जनाएका थिए ।
क्षेत्र नं.३ का कांग्रेस सभापति मो.नक्कि खाँले सबै धर्म र सम्प्रदायका जनताको साथ र सहयोगको आबश्यकता रहेको भनाई राखेका थिए ।
माओवादी नेता धनिराम ओलीले गठबन्धनका नता तथा कार्यकर्तालाई स्वागत गरेका थिए । कांग्रेसका ईकाई सभापति राम कुमार यादवको सभापतित्वमा सम्पन्न कार्यक्रममा गठबन्धनका अगुवाहरुले बोलेका थिए ।
छलफल तथा भेटघाटमा जसपाका पुर्व सह सचिव मोहनलाल दुवेधि लगाएतका कांग्रेस प्रवेश गरेका थिए । कार्यक्रममा स्थानीय महिलाहरुको उल्लेख्य सहभागिता रहेको थियो ।
