लुम्बिनी । प्रतिनिधि सभामा मधेशी महिला सांसदलाई हिन्दी बाेलेका कारण भारतीय चेली भनेकी एमाले नेतृ टिकट नपाएर स्वतन्त्र उम्मेदवारी दिने तैयारी गरेकी छिन ।
नेकपा एमालेकी नेतृ गंगा चौधरीले आफू स्वतन्त्र चुनाव लड्ने घोषणा गरेकी छिन् । शुक्रबार सामाजिक सञ्जालमार्फत उनले आफूले आगामी निर्वाचनमा स्वतन्त्र उम्मेदवारी दिने घोषणा गरेकी हुन् ।
चौधरीले दाङ निर्वाचन क्षेत्र नम्बर १ बाट स्वतन्त्र रुपमा उम्मेदवारी दिने बताएकी हुन् । चौधरी ०७४ को प्रतिनिसभामा निर्वाचनमा एमालेबाट समानुपातिकतर्फबाट सांसद बनेकी थिइन्।
उनले लेखेकी छिन् ‘आज मैले ठीक निणर्य गरेँ या बेठीक मलाई थाहा छैन, राष्ट्र र राष्ट्रियताको लागि म सधैँ लागिरहने छु, जनता भगवान् हुन्, जनता नै सर्वोपरि हुन् । देशलाई शिरमाथि राखेर आज स्वतन्त्र उमेदवार भएर जनताको बीचमा आउँदैछु, हजुरहरूको साथ चाहिएको छ ।’
